Ինչպե՞ս է ապրել Ռոմանովների ընտանիքը ողբերգական մահապատժից առաջ. Բացառիկ մանրամասներ

1918 թվականի հուլիսի 17-ին ռուսական կայսրության վերջին թագավորական ընտանիքը գնդակահարվեց Եկատերինբուրի նեղ նկուղում, երբ սպիտակգվարդիականները մտան քաղաք:

Սակայն մինչ այդ ողբերգական իրադարձությունը Ռոմանովները ենթարկվել էին զրկանքների՝ ավելի ու ավելի մոտենալով իրենց վախճանին:
Past.am- ը ներկայացնում է  Ռուսաստանի արքայական ընտանիքի վերջին անդամների լուսանկարները՝ արված նրանց գնդակահարությունից առաջ:

1917թ. Փետրվարյան հեղափոխությունից հետո Ռոմանովներին կառավարությունը ուղարկեց Սիբիրի Տոբոլսկ քաղաք՝ պաշտպանելու ամբոխի զայրութից:
Դրանից մի քանի ամիս առաջ ցար Նիկոլայ 2-րդը հրաժարվել էր գահից, ինչի հետևանքով ընդհատվել էր Ռոմանովների ավելի քան 300-ամյա դինաստիան:

Նրանք իրենց 5-օրյա ճանապարհորդությունը Սիբիր սկսեցին օգտոստոսին՝ արքայազն Ալեքսեյի ծննդյան 13-րդ տարեդարձի նախօերին: Նրանց միացան 46 ծառաներն ու ռազմական էսկորտը:

Ընտանիքը Տոբոլսկ ժամանեց օգոստոսի 19-ին ու սկսեց ապրել Իրտիշ գետի ափին՝ համեմատական հարմարավետ պայմաններում:
Նահանգային պալատում, որտեղ նրանց տեղակայել էին, Ռոմանովներին լավ էին կերակրում, նրանք հնարավորություն ունեին երկար ժամանակ միասին անցկացնել: Երեխաները ծնողների համար պիեսներ էին բեմադրում, ընտանիքին թույլատրվել էր գնալ քաղաք՝ մասնակցելու կրոնական արարողություններին: Դա ազատության միակ դրսևորումն էր:



1917թ. վերջին բոլշևիկների գալուստը նրանց կյանքը աստիճանաբար անտանելի էր դարձնում:
Նրանց արգելվեց գնալ եկեղոցի, դուրս գալ պալատի տարածքից: Նրանց խոհանոցից անհետացան շաքարը, սուրճը, կարագն ու սերուցքը:



Գործերն ավելի էին վատանում: 1918թ. ապրիլին ժամանեց ինչ-որ կոմիսար Յակովլև ու հրամայեց նախկին ցարին տեղափոխել Տոբոլսկից: Կայսրուհին չէր ցանկանում թողնել ամուսնուն մենակ:
Այդ ժամանակ արքայազն Ալեքսեյը, ով տառապում էր հեմոֆիլյայով, վնասվածքի հետևանքով սկսել էր տառապել ոտքերի կաթվածով ու բոլորը սպասում էին, որ նրան կթողնեն Տոբոլսկում:



Կոմիսարն անդրդվելի էր, ու այդ իսկ պատճառով Նիկոլայը, նրա կինը՝ Ալեքսանդրան ու դուստրերից Մարիան, լքեցին Տոբոլսկը:
Նրանք նստեցին Մոսկվա գնացող գնացքը, սակայն կոմիսար Յակովլևին կալանավորեցին արքայական ընտանիքին փրկելու փորձի համար,իսկ Ռոմանովներն իջան Եկատերինբուրգում:

Այստեղ նրանց միացան մյուս երեխաները: Բոլորին փակեցին Իպատևի տանը: Ընտանիքին ամբողջությամբ մեկուսացրին արտաքին աշխարհից՝ փայտերով փակելով լուսամուտները ու հսկողություն սահմանելով դռների առաջ:
Նրանց մինչև իրեն կյանքի վերջը թույլատրեցին մաքուր օդի դուրս գալ օրական 5 րոպեով:



1918թ. հուլիսին խորհրդային իշխանությունները սկսեցին պատրաստվել արքայական ընտանիքի մահապատժին: Նրանց վերջին անգամ թույլատրեցին գնալ եկեղեցի:
Հուլիսի 16-ին՝ սպանության օրը, պատվիրվել էր 5 բեռնատար՝ լի ծծումբով ու բենզինով, որ արագ ազատվեն մարմիններից:



Հուլիսի 17-ի վաղ առավոտյան Ռոմանովներին հավաքեցին ու խաբեությամբ տարան փոքր նկուղ՝ իբր նրանց օգնելու նպատակլով:



Նկուղում ցարին ասացին, որ հիմա նրան սպանելու են: Չհավատալով սեփական ականջներին՝ Նիկոլայը հարցրեց՝ ինչ: Դրանից հետո չեկիստ Յակով Յուրովսկին գնդակահարեց նրան:
Եվս 11 մարդ միացավ թագավորական ընտանիքի սպանդին:
Հաջորդ օրը նրանց մարմինները այրեցին Եկատերինբուրգից 19 կմ հեռավորության վրա՝ Կոպչիկի գյուղում: