35 տոկոս տարեկան էներգետիկ խնայողություն ՔՀԿ-ներում
ԲԼՈԳՆարեկ Սարգսյանը ֆեյսբուքյան իր էջում գրում է.
ՀՀ կառավարության որոշմամբ Հայաստանի վերականգնվող էներգետիկայի և էներգախնայողության հիմնադրամը 2015թ. ընթացքում ՀՀ արդարադատության նախարարության «Նուբարաշեն», «Սևան», «Կոշ», «Արթիկ», «Վանաձոր», «Դատապարտյալների հիվանդանոց», «Վարդաշեն», «Հրազդան», Աբովյան» քրեակատարողական հիմնարկներում և նախկին «Էրեբունի» ՔԿ հիմնարկի տարածքում իրականացրել է էներգախնայողության միջոցառումների (ԷԽՄ)ծրագիր: Ծրագիրն իրականացվել է Հասյաստանի Հանրապետության և Վերակառուցման և զարգացման միջազգային բանկի միջև 2012թ. ապրիլի 20-ին կնքված Գլոբալ բնապահպանական հիմնադրամի էներգախնայողության ծրագրի դրամաշնորհի միջազգային պայմանագրով: ՀՀ արդարադատության նախարարության «Արմավիր» ՔԿ հիմնարկը շահագործման է հանձնվել 2014թ. տարեվերջին և դուրս է մնացել վերոնշյալ ԷԽՄ ծրագրից:
ՀՀ արդարադատության նախարարության նախաձեռնությամբ 2016թ. ընթացքում «Արմավիր» ՔԿ հիմնարկի նորակառույց 6 մասնաշենքում հիմնադրամը ԷԽՄ ծրագրի իրականացման համար կատարել է նախնական էներգետիկ ուսումնասիրություն: Պարզվել է, որ «Արմավիր» ՔԿՀ-ում ծրագրի իրականացման դեպքում հնարավոր է ապահովել էներգետիկ ծախսի ավելի քան 35 տոկոս տարեկան խնայողություն:
ՀՀ արդարադատության նախարարությունը կառավարությանն առաջարկել է ԷԽՄ ծրագրի իրականացման 2015թ. որոշման մեջ կատարել համապատասխան լրացում` «Արմավիր» ՔԿՀ-ում ԷԽՄ ծրագրի իրականացման համար: Այն չի պահանջում պետբյուջեի միջոցների լրացուցիչ հատկացում: Գործադիրը նախատեսել է որոշումն ընդունել առաջիկա հունիսի 16-ի նիստում: