Կոալիցիոն կառավարությունը կվնասի Վրաստանին. Իվանիշվիլի

Վրաստանի նախկին վարչապետ, միլիարդատեր Բիձինա Իվանիշվիլին խնդիրներ Է կանխատեսում երկրում, եթե «Վրացական երազանք- դեմոկրատական Վրաստան» կուսակցությունը մեծամասնություն չստանա առաջիկա խորհրդարանական ընտրություններում: 

Այդ կուսակցությունն առաջատարն Է «Վրացական երազանք» կառավարող կոալիցիայում, որը 2012 թվականին շահել Է խորհրդարանական ընտրությունները եւ կառավարություն ձեւավորել: Այսօր կոալիցիան գործնականում տրոհվել Է, նրա մեջ մտնող բոլոր կուսակցությունները մտադիր են ինքնուրույն գնալ հոկտեմբերի 8-ի ընտրություններին:

«Մենք կոալիցիոն կառավարություն ունեինք, եւ իմ անձը հավասարակշռում Էր իրադրությունը: Բայց եթե նոր պայմաններում եւ նոր ընտրություններում «Վրացական երազանքը» 80-ից պակաս տեղ ստանա, ապա տնտեսական բարեփոխումների անցկացումը կբարդանա: Եթե կրկին ձեւավորվի կոալիցիոն կառավարություն, ապա մենք բազմաթիվ նոր խնդիրներ կստանանք»,- ասել Է Իվանիշվիլին լրագրողների հետ կայացած հանդիպմանը:

Կոալիցիոն կառավարությունների դեպքում դրա մեջ մտնող ուժերը հիմնականում հոգ են տանում ռեսուրսների բաշխման մասին, իսկ կարեւոր բարեփոխումները մնում են առանց ուշադրության, ընդգծել Է նա:

«Այդուամենայնիվ, ես դեմ չեմ կոալիցիոն կառավարությանը: Սակայն այս տնտեսության եւ փոքր ֆինանսների պայմաններում, ինչպես մեզ մոտ Է, շատ դժվար կլինի, եւ դա կխանգարի ճիշտ ուղղությամբ Վրաստանի զարգացմանը»,-նշել Է Իվանիշվիլին:

Մեկնաբանելով առաջիկա ընտրություններում գլխավոր մրցակցի՝ «Միասնական ազգային շարժում» կուսակցության հեռանկարները, Իվանիշվիլին ասել Է, որ այն աճի հեռանկարներ չունի: Այդ կուսակցության համար, որի ոչ պաշտոնական առաջնորդը համարվում Է Վրաստանի նախկին նախագահ Միխեիլ Սահակաշվիլին, դժվար կլինի հաղթահարել ընտրական արգելքը, կարծում Է Իվանիշվիլին:

Այսօր «Միասնական ազգային շարժումը» 150-տեղանոց խորհրդարանում ներկայացված Է 49 պատգամավորներով: Կուսակցության առաջնորդները քանիցս հայտարարել են, որ այն գլխավոր ընդդիմադիր ուժն Է երկրում, ինչին համաձայն չԷ Իվանիշվիլին, հաղորդել Է Sputnik-ը: