Կառավարությունը ներկայացրել է Ընտրական օրենսգրքի շուրջ լայն կոնսենսուս ձևավորելու հիմք ստեղծող առաջարկներ

Ընտրական օրենսգրքի ընդունումից հետո կառավարությունը տարբեր քաղաքական ուժերի հետ շարունակել է քննարկումները դրա շուրջ ավելի լայն կոնսենսուս ձևավորելու համար և ներկայացրել է օրենսգրքում փոփոխությունների առաջարկներ: Դրանք կարող են հիմք դառնալ ընդդիմության և իշխանության, ընդդիմության և քաղաքացիական հասարակության միջև կոնսենսուսի համար: Ազգային ժողովի պետաիրավական հանձնաժողովում 4+4+4 ձևաչափով քննարկման ժամ անակ այս մասին ասաց ՀՀ կառավարության աշխատակազմի ղեկավար-նախարար Դավիթ Հարությունյանը:«Մենք համարում ենք, որ ընտրական օրենսգիրքն Ազգային ժողովի կողմից  ընդունվել է լայն կոնսենսուսով, սակայն համարում ենք, որ ինչքան լայն լինի այդ կոնսենսուսն, այնքան ավելի  լավ, դրա համար մենք շարունակեցինք տարբեր քննարկումները, որոնք հնարավորություն տվեցին մի առաջարկ ձևակերպել, որը ձեզ ներկայացվել է»,-«Արմենպրես»-ի հաղորդմամբ՝ նշեց Հարությունյանը՝ դիմելով քննարկմանը մասնակից ընդդիմադիր քաղաք ական ուժերի և քաղաքացիական հասարակության ներկայացուցիչներին:

Ներկայացնելով առաջարկվող փոփոխությունները՝ Դավիթ Հարությունյանն ընդգծեց, որ ընտրական օրենսգրքում ներդրվելու է մատնահետքերով էլեկտրոնային գրանցման համակարգր: «Մենք մինչև ընտրությունները կկազմակերպենք մատնահետքերի նախագրանցում, որպեսզի ընտրությունների ժամանակ ընտրողը գրանցվի ոչ թե անձը հաստատող փաստաթղթով, այլ մատնահետքով: Որպեսզի այդ նախագրանցումը կարողանանք հեշտ կազմակերպել, մենք դա կանենք պայմանով, որ նախագրանցումն անցնելուց հետո քաղաքացիները կստանան անվճար նույնականացման քարտ: Նախագրանցումը կավարտվի ընտրություն ներից 20 օր առաջ, այդ մատնահետքերը կհավաքվեն մեկ ընդհանուր շտեմարանում և էլեկտրոնային գրանցման գործընթացը կկարողանանք կազմակերպել մատնահետքով»,- նշեց Հարությունյանը՝ հստակեցնելով, որ կարող են լինել բացառիկ դեպքեր, երբ էլեկտրոնային սարքավորումը չի իրականացնի ընտրողի մատնահետքի իդենտիֆիկացումը և այդ դեպքերում ընտրողը կգրանցվի անձը հաստատող փաստաթղթով՝ անձնագրով կամ նույնականացման քարտով:

Անդրադառնալով ստորագրված ընտրական ցուցակները հրապարակելու ընդդիմության պահանջին՝ Հարությունյանն ընդգծեց, որ արդեն ընդունված ընտրական օրենսգրքում սահմանվել է մեխանիզմ, որը հնարավորություն է տալիս ծանոթանալ այդ ցուցակներին՝ չխախտելով այդ հարցում Վենետիկի հանձնաժողովի սահմանած սկզբունքները: «Ընդունված ընտրական օրենսգրքով սահմանվել է, որ ընտրություններից հետո վստահված անձինք կարող են իրենց ընտրական հանձնաժողովից պահանջել և ստանալ ընտրություններին մասնակցած քաղաքացիների ցուցակը, ծանոթանալ դրանց հետ, կատարել արտագրությÕ �ւն: Հիմա մենք ևս մեկ կարևոր փոփոխություն ենք առաջարկում: Եթե կլինեն կուսակցություններ, որոնք մասնակցել են ընտրություններին, սակայն ինչ-ինչ պատճառով որևէ տեղամասում չեն կարողացել վստահված անձ ունենալ, կարող են դիմել համապատասխան ընտրատարածքային հանձնաժողով և ստանալ հնարավորություն ստորագրված ընտրացուցակներին ծանոթանալու»,- մանրամասնեց Հարությունյանը:

Իշխանությունները համաձայն են նաև ընտրական ողջ գործընթացը ուղիղ հեռարձակմամբ ներկայացնելու ընդդիմության առաջարկին: Դավիթ Հարությունյանը հստակեցրեց, որ իրենք պատրաստ են ընտրական օրենսգրքում սահմանել ընտրական գործընթացի օնլայն հեռարձակման պահանջը այն պայմաններով, որ առաջարկել է ընդդիմությունը: Սա նշանակում է, որ հանրապետության բոլոր ընտրական տեղամասերում տեղադրվելու են տեսախցիկներ և ողջ գործընթացն օնլայն հեռարձակվելու է բոլոր տեղամասերից: «Սրանք էին հիմնական առաջարկները, որ մենք ձևակերպել ենք մեկ փաստաթղթում և ներկայացր ել ենք ձեզ: Եթե գալիս ենք համաձայնության, մենք պետք է համատեղ դիմենք միջազգային դոնոր կազմակերպություններին՝ ֆինանսավորման հարցով, որովհետև առանց լուրջ ֆինանսավորման մենք չենք կարող այս խնդիրները լուծել: Բացի այդ, կառավարությունն այս առաջարկները ձևակերպելու և դրանք օրենսգրքում ամրագրելու հարցով կհրավիրի արտահերթ նիստ, եթե մենք գալիս ենք ընդհանուր հայտարարի»,- եզրափակեց Հարությունյանը:

Քննարկմանը մասնակից ընդդիմադիր քաղաքական ուժերի և քաղաքացիական հասարակության ներկայացուցիչները իրենց գոհունակությունը հայտնեցին ներկայացված առաջարկների հետ՝ ընդգծելով, որ այդ առաջարկները լավ հիմք են ընտրական օրենսգրքում փոփոխությունների շուրջ քննարկումները վերսկսելու համար: