Դավիթ Գրիգորյանի գեղեցիկ սիրո պատմությունը ու ամուսնության բացառիկ լուսանկարները

Tert.am-ը գրում է․

Լրագրող, հաղորդավար Դավիթ Գրիգորյանը «Աբելի քույրը» հեռուստասերիալի Աբելը նշում է ծննդյան 25 ամյակը: Ծննդյան տարեդարձն ավելի հիշարժան դարձնելու համար Դավիթը որոշեց հենց այսօր օրինականացնել հարաբերությունները Մանուշակ Ալավերդյանի հետ:

Tert.am Youth-ը ներկա է եղել Դավիթի և Մանուշակի ամուսնության պաշտոնական գրանցման արարողությանը։ 

 «Մանուլին ճանաչում եմ 1.5 տարի, մեր ծանոթությունից 4 ամիս անց ես ժամանակավոր բնակություն հաստատեցի Գերմանիայում: Այդ ընթացքում Մանուլի հետ շրջագայության մեկնեցինք: 2016 թվականի տարեմուտին Փարիզում՝ Էյֆելյան աշտարակի տակ Մանուլին ամուսնության առաջարկություն արեցի»,-պատմում է Դավիթը:

 «Ես ստացել եմ ամուսնության լավագույն առաջարկությունը: Երբեք չեմ մոռանա այդ զգացողությունը՝ ամեն ինչ իմ շուրջն էր պտտվում և աշխարհի լավագույն տղամարդն ինձ ամուսնության առաջարկություն էր անում: Դավիթը երկուսիս համար էլ գնել էր մատանիներն ու այդ պահից սկսած մենք դարձանք ամուսիններ: Դավիթի խոսքը ուզում եմ շտկել, քանի որ մենք ոչ թե 1.5 տարի է, ինչ ծանոթ ենք, այլ նախորդ բոլոր կյանքերում միասին ենք եղել, և հաջորդ կյանքերում նույնպես միասին ենք լինելու: Դավիթի հետ պատրաստ եմ ամեն ինչ կիսել և հանուն նրա ամեն ինչ կանեմ: Սա իմ կյանքի կարևորագույն որոշումն էր, ու ես երջանիկ եմ, որ մենք միասին ենք...»,-անկեղծացավ Մանուշակը:

 Նորապսակ զույգը Tert.am Youth-ի հետ զրույցում մանրամասնեց, որ յուրաքանչյուր տարի մտադիր է ամուսնանալ, բայց ամեն անգամ այլ երկրում:

 «Հաճելին այն է, որ ամեն անգամ ամուսնանալու եմ միևնույն մարդու հետ: Առհասարակ, մեր ամուսնության հաջորդականությունն այլ էր` նախ մեկնեցինք ամուսնական ճամփորդության, ապա հաջորդեց ամուսնության առաջարկությունը, ամիսներ անց օրինականացրեցինք մեր հարաբերությունները»,- պատմում է Դավիթը:

 Tert.am Youth-ը շնորհավորում է նորապսակ զույգին և մաղթում անսահման երջանկություն:

 

 

Անի Կարապետյան

 

Կարեն Հովհաննիսյան