Life.panorama.am-ը զրույցել է ԱՄՆ-ում հայտնի հաղորդավարուհի, երգահան Սվետլանա Բոսնոյանի հետ, ով երգիչ Արթուր Հակոբյանի՝ նույն ինքը Միստր X-ի կինն է:
Սվետլանա, նախ կցանկանամ պատմեք ձեր մասին՝ ինչպե՞ս հայտնվեցիք օվկիանոսիցայն կողմ:
- 2012թ-ի օգոստոսից ծնողներիս հետ մշտական բնակություն եմ հաստատել Միացյալ Նահանգներում: Սա մեր ընտանիքի երկար սպասված վերամիավորումն էր մեր գերդաստանի հետ, քանի որ իմ գրեթե բոլոր ազգականները շատ վաղուց արդեն ապրում էին Միացյալ նահանգներում:
Ապրելով դրսում՝ որքան կարեւոր է տվյալ շրջապատին ու միջավայրին ինտերգվելը,նույնքան եւ նույնիսկ ավելի կարեւոր է պահպանել հայկական արմատներինհամապատասխան տեսակը. այս առումով դուք եւ Ձեր ընտանիքը որքանո՞վ եքկարողացել հավատարիմ մնալ ազգայինին:
- Այստեղ ապրելով՝ տանը անպայման խոսում ենք հայերեն, օրինակ ծառայելով կրտսեր սերնդին, դիտում ենք հայկական հեռուստատեսություն, հետևում հայրենիքից լուրերին, ուրախանում հաջողություններով, իսկ օրհասական պահերին` մտահոգվում, մշտապես հայկական եկեղեցի ենք գնում ` ամուր պահելով կապը հայ համայնքի հետ: Մենք բոլորս հայ մշակույթի կրողն ենք հանդիսանում՝ ունենալով հայրենիքը մեր սրտում:
Գիտեմ, որ յուրաքարնչյուր հայ, անկախ բնակության վայրից, իր գեներին հատուկջերմությամբ հետեւում է հայրենիքում կատարվող իրադարձություններին, ԱՄՆ-ի հայհամայնքի, այդ թվում եւ Ձեր վերաբերմունքը Հայաստանի եւ այստեղ կատարվողյուրաքանչյուր երեւույթի հանդեպ ինչպիսի՞նն է ըստ Ձեզ:
- Հայտնի է, որ Սփյուռքի դերը Հայաստանի զարգացման հարցում շատ մեծ է և Կալիֆորնիայի հայ համայնքը հստակ գիտակցում է այդ փաստը՝ իր բոլոր լծակները գործադրելով, ջանք ու եռանդ չխնայելով թե հայապահպանության և թե հայրենիքին օգնության գործում:
Սվետլանա, ԱՄՆ-ի հայ համայքի համար ներկայացնում եք «Խաչմերուկ» հաղորդաշարը,հաղորդման շրջանակում ամենատարբեր ոլորտներից եք հյուրեր ընդունում, հետաքրքիրէ՝ հյուրեր ընտրելիս ավելի շատ ի՞նչի վրա եք շեշտը դնում:
-Արդեն շուրջ 3 ու կես տարի է ինչ «Խաչմերուկ» հեռուստանախագիծը եթերում է և շարունակում է հեռուստադիտողին ներկայացնել համայնքում տեղի ունեցող մշակութային անցուդարձը՝ լուսաբանելով մեր հայրենակիցների նոր ձեռքբերումները: Պատահում է, որ հյուրս ինքն է ցանկություն հայտնած լինում իր նորությունները լուսաբանել հենց իմ հաղորդման ընթացքում, լինում է նաև, որ որևէ լուր հայտնվում է իմ ուշադրության կենտրոնում և ես եմ հրավեր նախաձեռնում:
Դուք նաեւ ստեղծագործում եք ու Ձեր հեղինակած շատ երգեր դարձել են հայկականերգարվեստի ամենասիրված հիթերը: Սա պարտավորեցնո՞ղ է:
- Իհարկե պարտավորեցնող է այնքանով, որ ամեն անգամ փորձում եմ էլ ավելի գեղեցիկ ստեղծագործությամբ հանդես գալ:
Կա՞ն արտիստներ, որոնց համար առավել սիրով եք ստեղծագործում, ովքե՞ր են նրանք:
- Արդեն հասցրել եմ համագործակցել գրեթե բոլոր ճանաչված արտիստների հետ և բոլորի երգերի համար էլ ստեղծագործել եմ հաճույքով: Երգի խոսքեր գրելիս՝ երգիչից բացի կարևոր է նաև աշխատանքը երաժշտության հեղինակի հետ:
Որպես ստեղծագործող՝ հաստատ կհետեւեք հայկական երգարվեստում տեղի ունեցողիրադարձություններին: Ուզում եմ լսել Ձեր գնահատականը այս ոլորտի հանդեպ, քանիոր շատերի կարծիքով մենք «անդունդին» ենք մոտենում:
- Ենթադրվում է, որ արվեստագետները պետք է ճաշակ թելադրեն հանրությանը, բայց ժամանցի բնագավառում տնտեսագիտության օրենքն է իշխում ` «Պահանջարկն է ծնում առաջարկ»: Այսօր հեռուստաէկրաններից հնչում է երաժշտություն, որը երևի թե «պահանջվել է» տարիներ առաջ, բայց սա հավերժական չէ՝ վաղը կհնչի այն երաժշտությունը, որը այսօր կպահանջենք: Ըստ իս՝ ամեն ինչ հանրության ձեռքում է թե անդունդին հասցնելը և թե անդունդից հանելը:
Սվետլանա, չեմ կարող չանդրադառնալ նաեւ Ձեր եւ Արթուրի ամուսնությանը, այստեղիհայերը ոգեւորությամբ են հետեւում Ձեր լուսանկերներին. մի փոքր կպատմե՞ք Ձերնորակազմ ընտանիքից: Հետաքրքր է՝ դուք եւ Արթուրը թեկուզեւ հյուրի կարգավիճակովՀայաստան այցելելու պլաններ չունե՞ք:
- Մեր նորաստեղծ ընտանիքի կյանքում հիմա աշխատանքային եռուզեռ է, Արթուրը շուտով պատրաստվում է ելույթ ունենալ Բոստոնում, ապա Կանադայի Տորոնտո քաղաքում, հոկտեմբերին էլ՝ Վաշինգթոնում: Անհամբեր սպասում ենք, թե երբ կկարողանանք այցելել նաև հայրենիք:
Իսկ Ձեր գեղեցիկ ընտանիքում համալրում չի՞ սպասվում արդյոք:
- Համալրումների մասին կխոսենք մի փոքր ավելի ուշ :
