10 ամենաաարտառոց արգելքները աշխարհում

Shabat.am-ը գրում է.

Յուրաքանչյուր պետության կառավարություն փորձում է հաստատել այնպիսի օրենքներ, որոնք պաշտպանում են քաղաքացիների իրավունքներն ու բարելավում երկրի կյանքը: Բայց երբեմն իրավական սահմանափակումներն այնքան անհեթեթ են լինում, որ ծիծաղից բացի ուրիշ զգացմունք առաջացնել չեն կարող:

ԱՄՆ–ը արգելել է Kinder Surprise-ի ներմուծումն ու վաճառքը

1938 թվականներից սկսած մինչ վերջին ժամանակներս, այս ձվիկների վաճառքն արգելված էր ամբողջ Ամերիկայում: Համարվում էր, որ ձվիկի ներսում գտնվող խաղալիքը շատ վտանգավոր է, քանի որ երեխան կարող է կուլ տալ այն: Արգելքը համաձայնվեցին հանել միայն այն ժամանակ, երբ ձվիկի ներսում գտնվող դեղին պարկուճի պարունակությունը մասնակիորեն տեսանելի կլիներ դրսից, որպեսզի նույնիսկ երեխան իմանար, որ դրա այն հատվածը, որն ուտելի չէ անհրաժեշտ է դուրս հանել:

Ֆիլիպիններում արգելված է ցուցադրել Քլեր Դեինսի մասնակցությամբ բոլորֆիլմերը

Ամերիկյան դերասանուհի Քլեր Դեինսը վիրավորական կերպով է արտահայտվել Ֆիլիպինների մայրաքաղաք Մանիլայի վերաբերյալ՝ վիրավորելով տեղի իշխանությունները: Հարցազրույցներից մեկի ժամանակ դերասանուհին քննադատել է քաղաքը՝ անվանելով այն բեկորների կույտ: Վիրավորվելով դրանից՝ Մանիլայի իշխանությունը արգելել է քաղաքում ցուցադրել բոլոր ֆիլմերը այս դերասանուհու մասնակցությամբ:

Սինգապուրում արգելված է մաստակի ներմուծումն ու վաճառքը

Սինգապուրում մաստակն արգելվել է 1992 թվականից: Բանն այն է, որ հասարակ մաստակը մետրոյի աշխատանքի խափանման պատճառ էր դարձել: Որոշ ժամանակ անց, մաստակը հասանելի դարձավ քաղաքում, բայց այն կարող էին ձեռք բերել միայն դեղատներից:

Մալայզիայում արգելված է դեղին գույնի հագուստը  

Դեղին հագուստի և աքսեսուարների արգելքն այստեղ ունի քաղաքական շարժառիթ: Բանն այն է, որ ընդդիմության ակտիվիստները, որոնց մեղադրում էին սխալ կողմնորոշման մեջ, դեղին գույնի հագուստ էին կրում, որպեսզի հեռվից հեռու ճանաչեն իրենց համախոհներին:

Ավստրալիայում արգելված է փոքր կրծքերով կանանց մասնակցությամբ պոռնո ֆիլմերի ցուցադրությունը

Ավստրալիայի կառավարությունը որոշել է արգելել մեծահասակների համար նախատեսված ֆիլմերի ցուցադրությունը, որոնցում նկարահանվել են փոքր կրծքերով կանայք: Նրանց կարծիքով այդպիսի հոլովակները կարող են մարդկանց մանկապղծության դրդել և խեղաթյուրել նրանց պատկերացումները հասուն կնոջ կրծքերի վերաբերյալ:

Կանադայում արգելված է մանկական ճռնիկի գովազդն ու կիրառումը

Կանադայի կառավարության կարծիքով ճռնիկը ոչ միայն վնասում է օրգանիզմի շարժունակությունը, այլ նաև խնդիրներ է առաջացնում հոգեկան առողջությանը: Այս երկրում գրանցվել են ճռնիկի օգտագործման ժամանակ ստացած տրավմայի բազմաթիվ դեպքեր, որոնք էլ այս արգելքի հիմնական պատճառն են դարձել:

Մեծ Բրիտանիայում արգելված է մահանալ խորհրդարանի շենքում

Վեսթմիսթերյան պալատում մահացած մարդու հուղարկավորության բոլոր ծախսերը պետք է հոգա պետությունն ըստ պատշաճի: Ենթադրվում է, որ այսպիսի արգելքն արվել է պետությանն անսպասելի ծախսերից ազատելու համար:

Չինաստանում արգելված է վերամարմնավորումը

Չինաստանի կառավարությունը որոշել է արգելել տեղացիներին մարդու վերամարմնավորում իրականացնել: Բայց եթե հանկարծ այն շատ է պետք, ապա կարող եք պաշտոնական թույլտվություն ստանալ մի շարք ատյաններ անցնելուց հետո:

Ռումինիայում արգելված է «Scrabble» խաղը

Վաղ 80-ականներին Ռումինիայի նախագահը արգելել է երկրի բնակիչներին գնել «Scrabble» սեղանի խաղը: Երկրի ղեկավարն եկել է այն եզրահանգման, որ այդ խաղը հակակառավարական է ու կործանարար: Այսօր Ռումինիայում ոչ միայն հանել են այդ արգելքը, այլ նաև ձևավորվել է այդ խաղի սեփական ֆեդերացիան:

Ճապոնիայում արգելված է գիշերային ակումբներում պարելը  

Պայմանավորված նրանով, որ Ճապոնիայի գիշերային ակումբների մեծ մասը օգտագործվում էր մարմնավաճառության նպատակներով, որոշում է ընդունվել արգելել պարն այդ վայրերում: Կառավարության կարծիքով այդպես ավելի հեշտ է վերահսկել զվարճանքի գործունեությունները: Այսօր Ճապոնիայում կան գիշերային ակումբներ, որոնք հատուկ պարի լիցենզիաներ ունեն, բայց այդպիսիններն ամեն քայլափոխին չէ, որ կարող ես գտնել: