Բրյուսելի մետրոյի վեց կայարանների մուտքը փակված է ահաբեկչության սպառնալիքի պատճառով

 Ահաբեկչության սպառնալիքի պատճառով Բրյուսելում փակվել Է մետրոյի վեց կայարանների մուտքը: Այդ մասին հունիսի 20-ին հայտնել Է RTBF հեռուստաալիքը:

«Ահաբեկչության սպառնալիքի կապակցությամբ հունիսի 19-ից փակ Է մետրոյի կենտրոնական վեց կայարանների մուտքերի մի մասը: Տրանսպորտը շարունակում Է աշխատել առանց ընդհատումների»,-նշել Է հեռուստաալիքը:

Անցած հանգստյան օրերին ոստիկանությունն անցկացրել Է համազգային հակաահաբեկչական գործողություն, որի ընթացքում խուզարկություններ են կատարվել 40 բնակելի շենքերում եւ 182 ավտոտնակներում: Գործողության ընթացքում երկրի ներսում 12 մարդու են բռնել ահաբեկչական գործողություններ պատրաստելու կասկածանքով: Նրանցից իննին կալանքի տակ են վերցրել, իսկ երեք հոգի ազատ Է արձակվել, ենթադրվում Է, որ նրանք գործով կանցնեն որպես վկաներ:

Ինչպես ՏԱՍՍ-ի թղթակցին հայտնել Է դատախազության ներկայացուցիչը, գործողության ընթացքում ոչ ոք դիմադրություն ցույց չի տվել ոստիկանությանը: Խուզարկությունների արդյունքում զենք ու պայթանյութ չի հայտնաբերվել:

Դատախազությունում ճշտել են, որ երեք ձերբակալվածներից երկուսը՝ Մուստաֆա Բենհաթալը՝ ծնված 1976 թվականին, եւ Ջավադ Բենհաթալը՝ ծնված 1987 թվականին, մարտի 22-ին Բրյուսելում ահաբեկչական գործողություններ իրականացրած Բաքրաուի եղբայրների համապատասխանաբ հորեղբայրն ու զարմիկն են: Եվս մեկ ձերբակալվածի՝ 1989 թվականին ծնված Սամիր Ս-ի անձն առայժմ չի բացահայտվում: Միեւնույն ժամանակ դատախազությունը ճշտել Է, որ բոլոր կասկածյալները Բելգիայի քաղաքացիներ են: