Չինաստանի բանկի աշխատակիցներին ծեծի են ենթարկել վատ սովորելու համար

Չինաստանի հյուսիսարեւմտյան շրջանի բանկերից մեկի երկու ղեկավարներ աշխատանքից հեռացվել են այն բանից հետո, երբ Համացանցում հրապարակվել Է ուսուցման ընթացքում աշխատակիցների հրապարակային պատժի տեսագրությունը, տեղեկացնում Է «Արմենպրես»-ը՝ հղում անելով BBC-ին:

Հավանաբար ձեռքի հեռախոսով արված տեսագրության մեջ երեւում Է, թե ինչպես Է տղամարդն ութ մարդու, որոնց մեջ կա չորս կին, միկրոֆոնով հարցնում, թե ինչու են նրանք ուսումնական օրվա ընթացքում զբաղեցրել վերջին տեղերը:       

Դրանից հետո տղամարդն սկսում Է մեծ քանոնով հարվածել նրանց: «Առաջատարության ակադեմիայից» Ցզյան Յանը, որը հայտնվել Է տեսագրության մեջ, ավելի ուշ ներողություն Է խնդրել իր պահվածքի համար:

Նա հայտարարել Է, թե մարմնական պատիժները գիտակցությունը բարձրացնելու առավել արդյունավետ միջոցներից մեկն են, թեեւ խոստովանել Է, որ ուսուցման իր մեթոդներն ընդունելի են ոչ բոլորի համար:   

75-վայրկյան տեւող տեսագրությունը Համացանցում Է հայտնվել հունիսի 20-ին եւ հարուցել օգտատերերի բուռն վրդովմունքը:

Չինաստանի Գյուղական վարկային կոոպերատիվների միության պաշտոնյաներն ավելի ուշ Chinanews.com պորտալին հավաստել են, որ տեսանյութը նկարահանվել Է հունիսի 18-ին ուսուցման ընթացքում, որը Գյուղական առեւտրային բանկն անցկացնում Է 216 աշխատակիցների համար: 

Ֆինանսական հիմնարկության՝ անվանումը չհայտնած աշխատակիցը նաեւ Beijing Times-ին պատմել Է, որ ծեծը պատժի տեսակներից սոսկ մեկն Է, եւս 16 աշխատակիցների գլուխները սափրել են: