Հոլիվուդյան աստղերի ամենաառեղծվածային մահերը

1.      Ցուցակը գլխավորում է հոլիվուդյան դերասան Բրյուս Լին, ում մահը հանկարծակի էր և չափազանց անհեթեթ: Բրյուս Լին մահացել է գլխուղեղի այտուցից, որն առաջացել է գլխացավի դեմ հաբ ընդունելուց:

2.      Բրյուս Լիի որդին՝ Բրենդոն Լին նույնպես արևելյան մարտարվեստների վարպետ էր և բավականին խոստումնալից երիտասարդ դերասան: Նրա մահը նույնպես չափազանց առեղծվածային էր և ողբերգական: «Ագռավը» ֆիլմի նկարահանման ժամանակ Բրենդոն Լին սպանվել է ատրճանակի կրակոցից, որի փամփուշտները պետք է դատարկ լինեին:

3.      Դերասան Վիկ Մորրոուի բախտը նույնպես չի բերել նկարահանման հրապարակում: Տեխնիկական հաշվարկների սխալի և դերասանի ակնթարթային անփութության պատճառով ուղղաթիռի պտուտակը նրա գլուխը թռցրել է «Մթնշաղային գոտի» ֆիլմի տեսարաններից մեկի նկարահանման ժամանակ:

4.      Հոլիվուդի աստղ  Բոբ Քրեյնի կարիերայի գլխապտույտ թռիչքը ոչ մի դրական դեր չխաղաց նրա ճակատագրում: Շքեղությունը, ալկոհոլը և շրջապատող կանայք դերասանին ստիպում են կտրուկ գահավիժել: Մի անգամ Քրեյնի ընկեր օպերատոր Ջոնի Կարպենտերը նրան առաջարկում է նկարահանել նրա սեքսուալ հաջողությունները, որն էլ ճակատագրական է դառնում դերասանի համար: Բոբ Քրեյնի գանգը դաժանաբար փշրում են տեսախցիկի հենակով, իսկ գլխավոր կասկածյալը հենց Ջոնի Կարպենտերն էր:

5.      Տարօրինակ ձևով ինքնասպանություն է գործել համր կինոյի աստղ Փեգ Էնթուիսթլը: Դերասանուհին ցած է նետվել Հոլիվուդյան բլուրների վրա տեղադրված «HOLLYWOOD» բառի «H» տառից՝ 50 մետր բաձրությունից:

6.      Նախկինում հայտնի դերասանուհի Էլիզաբեթ Շորթի (առավել հայտնի է «Սև Գեորգին» մականվամբ) սպանությունը մնում է ամենաառեղծվածայինն ու ամենադաժանը: Նրա այլանդակված մարմինը հայտնաբերվել է Լոս Անջելեսից ոչ հեռու: 22-ամյա դերասանուհու մարմինը գոտկատեղի հատվածից կիսված էր երկու մասի, հեռացված էին ներքին և արտաքին սեռական օրգանները և պտուկները, իսկ բերանը պատռված էր՝ մի ականջից մյուսը:

7.      Բավականին տարօրինակ էր դերասան Ալբերտ Դեքքերի մահը: Դերասանի մարմինը հայտնաբերվել է նրա սեփական լոգասենյակում՝ կախված հանգույցից, որի պարանը ամրացված էր լոգարանի վարագույրին: Դեքքերի դաստակներին ձեռնաշղթա էր հագցված, իսկ մարմնի մեջ երկար և բարակ ասեղներ էին խրված:

8.      Սեքս խորհրդանիշ և հայտնի դերասանուհի Մերիլին Մոնրոն թմրանյութերի և ալկոհոլի չարաշահման հետ կապված խնդիրներ ուներ: 36-ամյա դերասանուհին մահացել է քնաբերի գերդոզավորումից, սակայն նրա մահվան միանշանակ վարկած առայսօր գոյություն չունի: Շրջանառվում են տարբեր վարկածներ, այդ թվում՝ Ջոն Քենեդիի մասնակցությունը, հանցավոր հաշվեհարդար և թմրանյութերի գերդոզավորում:

9.      Եռակի օսկարակիր դերասանուհի Նատալի Վուդը խորհրդավոր հանգամանքներում խեղդվել է իր զբոսանավի վրա հանգստանալիս: Հետաքրքրական է, որ նավի կապիտանը որոշել է նոր ցուցմունքներ տալ դերասանուհու մահից միայն 30 տարի անց:

10.  Աշխարհահռչակ երգիչ Մայքլ Ջեքսոնը խորհրդավոր հանգամանքներում մահացել է 2009 թվականի ամռանը: Նրա մարմինն այլանդակված էր ներարկումներից առաջացած ծակոցներից: Դիահերձումը ցույց է տվել, որ փոփ արքային դեղորայքի մահացու չափաբաժին էր ներարկվել, որն արել էր նրա անձնական  բժիշկը: