Մերլին Մոնրոն օրը 50 անգամ...

Մերլին Մոնրոյի իսկական անունը Նորմա Ջին Մորտենսոն (Բեյքեր) է: Ամերիկացի կինոդերասանուհին, երգչուհին և սեքս խորհրդանիշը ծնվել է 1926 թվականի հունիսի 1-ին:

Աղջկա մայրը նրա դաստիարակությամբ չի զբաղվել, ուներ հոգեկան լուրջ խնդիրներ և ֆինանսական դժվարություններ: Այդ իսկ պատճառով՝ Նորման գրեթե ողջ մանկությունն անցկացրել է մանկատներում և խնամատար ընտանիքներում: Մի քանի անգամ աղջկան փորձել են որդեգրել, սակայն մայրը հրաժարվել է փաստաթղթերը ստորագրել:

10 տարեկանից սկսած հմայիչ աղջկան սկսել են ուշադրություն դարձնել, և ամենասարսափելին այն է, որ հենց այն ընտանիքներում, որտեղ նա ապրում էր: Մերլինն անձամբ պատմել է բազմաթիվ դեպքերի մասին, երբ իրեն փորձել են բռնաբարել այն ընտանիքներում, որտեղ ապրել է:

Նորման իր անունը փոխել է Մերիլինի 20 տարեկան հասակում, երբ կինոստուդիայում ընդունվել է աշատանքի, որպես երկրորդական դերերի հասարակ դերասանուհի:

Մերլինը պաշտոնապես ամուսնացել է 3 անգամ: Սակայն նրա թաղմանը ներկա է գտնվել միայն երկրորդ ամուսինը՝ բեյսբոլիստ Ջո Դի Մաջոն, ում հետ ամուսնությունը նույնիսկ մեկ տարի էլ չի տևել: Հենց նա է, նույնիսկ բաժանումից հետո, աջակցել և հովանավորել Մերլինի բազմաթիվ նախագծեր:

Մերլին Մոնրոն ունեցել է բազմաթիվ սիրեկաններ: Պատմություններ են պտտվել Ջոն Քենեդիի և նրա եղբայր Ռոբերտի հետ սիրավեպերի մասին: Դերասանուհին երեխա չի ունեցել, սակայն 2000 թվականին հայտնի է դարձել ոմն Ջոզեֆ Քենեդիի մասին, ով պնդել է, որ Մերլինի և նախագահ Ջոն Քենեդիի որդին է:

Դեռ կյանքի օրոք Մերլինը պարգևատրվել է «Ամենահմայիչ դերասանուհի» մրցանակով և Աստղերի արահետում աստղի է արժանացել:

Դերասանուհին երազում էր լուրջ դերի մասին, սակայն նրան հրավիրում էին միայն կատակերգությունների և մելոդրամաների: Մոնրոյի հաշվին կա ավելի քան 30 ֆիլմ, որոնցում նա հիմնականում հիմարիկ շիկահերի դեր է խաղացել: Մերլինի երրորդ ամուսինը՝ Արթուր Միլլերը, սեփական օրագրում գրել է, որ նրան փոքրիկ հիմար աղջիկ է համարում: Ընդ որում՝ հենց այս գրառումն էլ նրանց բաժանման պատճառ է դարձել. Մերլինը չի կարողացել հանդուրժել, որ նույնիսկ ամուսինն է իրեն հիմար համարում:

Իրականում Մերիլինը միշտ մասնակցել է քաղաքական վեճերի, ունեցել է հստակ դիրքորոշում, փորձել է հասնել հավասարության բոլորի համար՝ անկախ մաշկի գույնից, ազգությունից և հավատքից:

Հարցազրույցներում նա հետևել է, որ իր խոսքերը ձայնագրվեն առանց աղավաղումների, սակայն միշտ չէ, որ դա տվել է անհրաժեշտ արդյունքը: Չէ՞ որ թեթև աղջկա կերպարը հանրությանն ավելի հետաքրքիր էր:

Մերլինը բազմաթիվ պլաստիկ վիրահատությունների է դիմել: Նրա մարմնի փոփոխություններին կարելի է հետևել ֆիլմերում: Վիրահատության են ենթարկվել դերասանուհու քիթը, ծնոտը, կուրծքը:

Մերլինը չէր վստահում դիմահարդարներին և անձամբ էր հարդարվում: Ընդ որում՝ նա կարող էր լվացվել օրական 15 անգամ և ամեն անգամ նորից դիմահարդարվել: Մերլինն օրական լվանում էր գլուխը և սանրվում էր առնվազն 50 անգամ՝ համարելով դա մազերի աճի և թեփից զերծ մնալու լավագույն միջոցը: Դերասանուհին ի բնե շիկահեր չի եղել: Մազերի գույնը նրա կերպարի բաղկացուցիչ մասն էր:

Մերլինը պնդում էր, որ ատում է կերակուրը և ձգտում է սնվել թեթև նախուտեստներով: Սակայն նա սիրում էր միրգ ու բանջարեղեն և չէր սնվում ժամը 18-ից հետո: Դերասանուհին ամեն օր այցելում էր ատամնաբույժի և ատամներն ամեն օր մաքրում էր սոդայով: Մերլինը երբեք չէր արևհարվում և արևը մաշկի համար վնասակար էր համարում: Իր հայտնի ճոճվող քայլվածքին հասնելու համար Մոնրոն օրական մի քանի րոպե քայլում էր սենյակում՝ ոտքերի արանքում շիշ սեղմած:

«Անհանգիստները» ֆիլմի նկարահանման վերջին օրը Քլարք Գեյբլը հայտարարում է, որ Մերիլինն իրեն սրտի կաթվածի է հասցրել: Հաջորդը օրը նա միոկարդի ինֆարկտ է ստանում և 11 օր անց մահանում է:

Մերլին Մոնրոն մահանում է 1962 թվականի օգոստոսի 5-ին՝ քնաբերով թունավորումից: Իսկ ամենասարսափելին այն էր, որ նրա բազմաթիվ երկրպագուներ հետևում են նրա օրինակին: Մոնրոյի ընկերներից շատերը նրա մահվան համար չեն զարմանում. նրա պապը մահանալիս թուլամիտ էր, մայրը կյանքի կեսն անցկացրել էր հոգեբուժարաններում, իսկ ինքը Մերլինը երրորդ ամուսնուց բաժանվելուց հետո նույնպես որոշ ժամանակ հոգեբուժարանում էր անցկացրել: