Մեր երկրում ում բռնում են, ասում է հնարած է, ես մեղք չունեմ, ես մեղավոր չեմ

Ռոբերտ Մելքոնյանը ֆեյսբուքյան իր էջում գրում է.

Մեր երկրում ում բռնում են, ասում է հնարած է, ես մեղք չունեմ, ես մեղավոր չեմ: Գողին, մարդասպանին բռնում ես հանցանքի վայրում, ասում է ես հանցագործ չեմ, ես բարեգործ եմ, վիրաբույժ-կենսաբան, գիտնական…Մեկ էլ տեսնում ես դարձավ նաև քաղբանտարկյալ ու հալածյալ…
Քիչ է մնում արդեն, ամուսինը կնոջը բռնացնի դավաճանության մեջ, վերջինս կանգնի մորեմերկ, ասուլիս հրավիրի ու ասի. <<Ես գենդերային շարժման ակտիվիստ եմ, ամուսինս հնարում է…>>:
Սամվել Բաբայանն անշահախնդիր ու հրեշտակի թևերով էր, ազնիվ մղումներով, ոչ մի կուսակցության չէր հարում, մինչև նրա Արցախ գնալն ու նրա կողմնակիցների ղալաթ անելն ու իրական նպատակների բացահայտվելը: 
<<Օսկանյան և ընկ>> կուսակցության հետ բնականաբար ոչ մեկը կապ չունի: Սա ևս իշխանությունների հնարածն է, մինչև որ կպարզվի հիմնադիր մասնակիցը, հսկիչ ծրարի տերը…
Հիմա էլ սեֆիլյանականները…Սկսել են գոռալ, թե հնարած է, սարքովի, Ժիրոն էլ քաղբանտարկյալ է…
Այդ տղան, որն Արցախի ազատագրական պայքարի գործում որոշակի ավանդ ունի, այդպես էլ չհասկացավ, որ քաղաքականությունն իր տեղը չէ, որ իր ծայրահեղ կոչերը ոչ մեկի չի հետաքրքրում, որ առավել ևս ինքն այն անձը չէ, որից կարող են վախենալ, ահուսարսափի մեջ ընկնել ու այդ պատճառով ձերբակալել:
Ավտոմատով, պարզունակ հանրահավաքներով, ցույցերով ու ծայրահեղ կոչերով քաղաքականությունս ո՞րն է…