ԵԱՏՄ-ն եւ ՉԺՀ-ն կարող են ազատ առեւտրի գոտի ստեղծել. Պուտին

Ռուսաստանի նախագահ Վլադիմիր Պուտինը չի բացառում Եվրասիական տնտեսական միության (ՌԴ, Բելառուս, Ղազախստան, Հայաստան, Ղրղզստան) եւ Չինաստանի միջեւ ազատ առեւտրի գոտու ստեղծումը: Միեւնույն ժամանակ նա ընդգծել Է, որ խոսքը չի վերաբերում մեկուսի առեւտրատնտեսական խմբավորումների ձեւավորման փորձերին, տեղեկացնում Է «Արմենպրես»- ը՝ հղում անելով ՏԱՍՍ-ին:

Ինչպես Չինաստան այցից առաջ հայտարարել Է պետության ղեկավարը «Սինհուա» գործակալությանը տված հարցազրույցում, «համաշխարհային Էկոնոմիկայում Չինաստանի հետ մեր փոխգործակցության գլխավոր ուղին պետք Է դառնա համատեղ բաց աշխատանքի համար ամեն տեսակ խոչընդոտների աստիճանական վերացումը»: «Արդյունքում դա կարող Է բերել առաջին փուլում ազատ առեւտրի գոտու ստեղծմանը»,-նշել Է ՌԴ նախագահը:

Պուտինը ճշտել Է, որ «դա փորձագիտական ուսումնասիրություն պահանջող հարց Է», եւ հավելել, որ «մենք, իհարկե, մտածում ենք մեր ազգային ապրանքարտադրողների շահերի մասին»: Նա ուշադրություն Է դարձրել այն փաստի վրա, որ Եվրասիական տնտեսական միության հետ փոխգործակցության հարցում «հետաքրքրություն են դրսեւորում տարածաշրջանի ավելի ու ավելի մեծ թվով պետություններ»: «Դրա հետ մեկտեղ մենք չենք ձգտելու հասնել մեկուսի առեւտրատնտեսական խմբավորումների ստեղծման»,- հավաստիացրել Է ռուսական պետության ղեկավարը:

Պուտինը «շատ հետաքրքրական ու հեռանկարային» Է համարել «Մետաքսի մեծ ճանապարհի» վերածնման վերաբերյալ ՉԺՀ-ի նախագահ Սին Ցզինպինի նախաձեռնությունը, որը, իր կարծիքով, «նպատակամղված Է աշխարհի բոլոր երկրների եւ, իհարկե, նախեւառաջ հարեւանների հետ համագործակցության ընդլայնմանը»:

«Մենք բանակցություններ ենք վարում երկու ուղղությամբ՝ երկկողմ հիմքի վրա, ինչպես նաեւ Չինաստան-Եվրասիական տնտեսական միություն ուղղությամբ»,-հավելել Է Պուտինը: