«Եվրո 2016». Ֆավորիտն ընդեմ հաջողակի. Ֆրանսիա-Իռլանդիա

«Եվրո 2016»-ի 1/8 եզրափակիչների 2-րդ խաղային օրը կկայան Ֆրանսիա-Իռլանդիա դիմակայությունըՀանդիպման նախախաղային անոնսը:

Ֆրանսիայի ազգային հավաքական: Ֆրանսիայի ազգային հավաքականը շարունակում է մնալ «Եվրո 2016»-ի գլխավոր ֆավորիտը: Ֆրանսիացներին փլեյ-օֆում կփորձի կանգնեցնել Իռլանդիայի ազգային ընտրանին:  Թեև Ֆրանսիան խնդրիներ չունեցավ  իր ընտրական խմբում և վստահորեն գրավեց 1-ին տեղը, այնուամենայնիվ, եռագույնների խաղը այդքան էլ տպավորիչ չէր: Ֆրանսիայի հավաքականի համար «Եվրո 2016»-ի վիճակահանությունը հետագա փուլերի համար այդքան էլ բարեհաճ չի գտնվել: Եթե ֆրանսիացները կարողանան հաղթահարել այս փուլը, հաջորդում կարող են հանդիպել Անգլիայի հավաքականին, եթե իհարկե  վերջիններս կարողանան անցնել Իսլանդիայի սենսացիոն հավաքականին: Անգլիացներին անցնելու դեպքում էլ կիսաեզրափակիչում ֆրանսիացներին կարող են սպասել իտալացիները կամ իսպանիացիները, կամ՝ գերմանացիները: Այսպիսի հնարավոր դասավորություների պարագայում Դիդյե Դեշամի ֆուտբոլիստները կբախվեն չափազանց մեծ դժվարությունների:

Ֆրանսիայի հավաքականի առաջատարը այս պահի դրությամբ Դիմիտրի Պայեն է: «Վեսթ Հեմ»-ի ֆուտբոլիստը Քարիմ Բենզեմայի բացակայությամբ իր վրա է վերցրել Ֆրանսիայի խաղը: Իսկ Բենզեմայի բացակայության պայմաններում, թվում էր, թիմի առաջատարը պետք է լինի Անտուան Գրիզմանը: Մադրիդի «Ատլետիկո»-ի ֆուտբոլիստը դեռ հեռու է լավագույն մարզավիճակից: Ֆրանսիայի ընտրանու կիսապաշտպանությունում մեծ ծավալի աշխատանք է կատարում Նգոլո Կանտեն: Ֆրանսիական ֆուտբոլի նոր «Մակելելե»-ն արդարացնում է մարզչի սպասելիքները: Իր վերջնական խոսքը չի ասել Պոլ Պոգբան :

«Եվրո 2016»-ը Ֆրանսիան սկսեց Ռումինիայի հավաքականի դեմ դժվարին հաղթանակով: Վերջին րոպեին հաղթական դարձավ Դիմիտրի Պայեյի հարվածը: 2-րդ տուրում Ֆրանսիան կրկին վերջին րոպեներին հաղթեց:Այս անգամ զոհը Ալբանիան էր: Ապահովելով իրենց տեղը 1/8 եզրափակիչում վերջին խաղը՝ Շվեյցարիայի հետ, Ֆրանսիան ավարտեց  0-0 հաշվով:

«Փլեյ-օֆի խաղերը մշտապես անցնում են լարված և անզիջում պայքարում: Այսպիսի խաղերը մեծ հույզեր են առաջացնում մեզ մոտ: Մենք դուրս ենք եկել 1/8 եզրափակիչ և մեր առջև դրել ենք ավելի հեռու գնալու նպատակներ: Այսպիսի խաղերում կարևոր է ունենալ լավ պաշտպանություն, սակայն հարձակողական ֆուտբոլն ու գոլերը ավելի կարևոր են: Իռլանդիան խաղում է մեծ աշխատասիրությամբ, սակայն այստեղ միայն դա չէ, որ կարևոր է: Մեծ դեր ունի նաև ֆուտբոլիստների բարձր խաղամակարդակը»,-ասել է Ֆրանսիայի հավաքականի գլխավոր մարզիչ Դիդյե Դեշամը:

Իռլանդիայի ազգային հավաքական: Այն, ինչ «Եվրո 2016»-ի խմբային փուլում արեցին Իռլանդիայի հավաքականի ֆուտբոլիստները, համաշխարհային ֆուտբոլում ի զորու են անել ոչ բոլորը: Մարտին Օ՛Նիլի ֆուտբոլիստները խմբային փուլում խաղացին Շվեդիայի, Բելգիայի և Իտալիայի ազգային հավաքականների դեմ: Այս ենթախմբում միանշանակ առաջատարները ընդգծված էին, իսկ ահա 3-րդ տեղի համար պայքարում ֆավորիտ էր Զլատան Իբրահիմովիչի թիմը: Հենց առաջին դիմակայությունը  շվեդների հետ էր: Հանդիպման հենց մեկնարկում Իռլանդիան ցույց տվեց, որ ավելի լավ է պատրաստված «Եվր ո 2016»-ին, քան սպասում էին մասնագետները: Իռլանդիան գրոհեց,  ուներ մեծ տարածքային առավելություն, սակայն վերջին րոպեներին ձեռքից բաց թողեց հաղթանակը: Բելգիայի հետ հանդիպումը Օնլիլի թիմը ձախողեց և ցավալի պարտություն կրեց: Վերջին տուրից առաջ Իռլանդիային պայքարը շարունակելու համար միայն հաղթանակ էր անհրաժեշտ իտալացիների հետ խաղում: Հրաշքը կայացավ հանդիպման վերջին րոպեներին. Ռոբի Բրեդիի գոլը Իռալանդիային դուրս բերեց 1/8 եզրափակիչ, որտեղ թիմին սպասում է  «Եվրո 2016»-ի գլխավոր ֆավորիտը:

Իռլանդիայի հավաքականը այս առաջնությունում զարմացնում է իր հարձակաղական գեղեցիկ գործողություններով: Իսկ հաջողություների հիմքն, անշուշտ, հուսալի դարպասապահն է: Դարեն Ռենդոլֆը մեկ շնչով է անցկացնում «Եվրո 2016»-ը: Պաշտպանությունում բազմափորձ Ջոն Օ'Շին և Շեյմուս Կոուլմանն են: Կիսապաշտպանությունում առաջատարը Ջեֆ Հենդրիկն է:  Ֆուտբոլիստը հիանալի հեռահար հարվածներ ունի: Խմբային փուլում Հենդրիկի 3 հարվածներ դիպան դարպասաձողին: Առանձնահատուկ ուշադրության է արժանի եզրային պաշտպան Ռոբի Բրեդին: Այս ֆուտբոլիստի արդյունավետ գործողություները պաշտպանությունում և հարձակման գծում Իռլանդիայի հաղթաղթղերից են:

«Մենք այս խաղին մոտենում ենք մեր ուժերի նկատմամբ  մեծ վստահությամբ: Մենք կարողացանք հաղթել Իտալիայի հավաքականին: Գիտեմ, որ մեզ դիմագրավելու են համաշխարհային մեծության ֆուտբոլիստներ, սակայն մենք, միշտ բախվելով նման խնդիրների, կարողացել ենք ճիշտ լուծումներ գտնել»,- ասել է Իռլանդիայի հավաքականի գլխավոր մարզիչ Մարտին Օ'Նիլը:

Ֆրանսիա-Իռլանդիա:  2 ազգային ընտրանիները միմյանց դեմ անցկացրել են 16 պաշտոնական հանդիպում: Իռլանդիան բավական հաջող է հանդես եկել  ֆրանսիացիների հետ հանդիպումներում: Եռագույները ունեն 6 հաղթանակ, իսկ Իռլանդիան իր ակտիվում ունի 4 խաղ: Թիմերը 6 անգամ էլ խաղադաշտից հեռացել են ոչ-ոքի արդյունքով: Ամենադրամատիկ հանդիպումը Իռլանդիայի և Ֆրանսիայի հավաքակաների միջև կայացել է 2005 թվականին: Աշխարհի առաջնության անցումային պատասխան խաղում Թիերի Անրիի ձեռքով խփված միակ գնդակը Ֆրանսիային հաջորդ փուլի ուղեգիր է նվիրել: Ֆրանսիա-Իռլանդիա հանդի պումը սկսվելու է Երևանի ժամանակով ժամը 17:00-ին: Հանդիպման գլխավոր մրցավարը Նիկոլա Ռիցոլին է: