Քարդաշյան քույրերի, Բրիթնի Սփիրզի և այլ աստղերի արտադրած կոսմետիկ միջոցները

Շատ աստղեր զբաղվում են ոչ միայն իրենց մասնագիտական կարիերայով, այլև փորձում են իրենց խոսքն ասել նորաձևության աշխարհում։Life.ru-ն ներկայացնում է մի շարք աստղերի հեղինակած կոսմետիկ միջոցների ապրանքանիշները։ 

Քարդաշյան քույրերն ու Kardashian Beauty-ն 

Քիմ, Քլոե և Քորթնի Քարդաշյանների համար ինքնագովազդի ևս մի միջոց էր կոսմետիկայի սեփական ապրանքանիշի հիմնադրումը։ Ապրանքի գները զանգվածային շուկայի գներից համարյա չեն տարբերվում, իսկ տեսականին ներառում է դեմքի հիմքային քսուքներ ու փայլեցնող միջոցներ, կեղծ թարթիչների լայն ընտրանի ու մեծացնող էֆեկտով շրթունքների փայլ։

 

Բրիթնի Սփիրզն ու Britney Spears Fragrances-ը 

Իր ստեղծած առաջին բուրմունքի հաջողությունից հետո Սփիրզը որոշել է շարունակել օծանելիք ստեղծելու աշխատանքն ու նորույթ է թողարկել։  Երգչուհու խոսքով՝ Private Show օծանելիքի մեջ միավորել է իր ամենասիրելի՝ սրճի, սպիտակ ծաղիկների և լիչիի (չինական սալոր) բույրերը։

 

 

Ռիհաննան ու by Rihanna ապրանքանիշը

Ռիհաննային շատ լավ հաջողվում է համատեղել երգչուհու և դիզայների դերերը։ Մի քանի օր առաջ տեղեկություններ են հայտնվել, որ նա պատրաստվում է նոր բուրմունք թողարկել։ Հարկ է նշել, որ Ռիհաննան այս ոլորտում սկսնակ չէ. նա արդեն ստեղծել է թվով 8 բուրմունք, հայտնել է իր սեփական բյութի-գործակալության մեկնարկի և ապրանքանիշի թողարկման մասին։ Նրա նոր՝ Crush բուրմունքը լույս է տեսնելու օգոստոսին։

 

 

Ջեսիքա Ալբան ու The Honest Company-ն

Երեխայի ծննդով ոգեշնչված՝ դերասանուհին որոշել է երեխաների համար էկոլոգիապես մաքուր ապրանքների արտադրություն սկսել։ 2014 թվականի ամռանն ընկերության արտադրացանկի մեջ կար 90 ապրանքատեսակ, որոնցից ամենավաճառվողները մանկական տակդիրներն են դարձել։ Դրանից բացի, տեսականու մեջ ներկայացված է դեկորատիվ և խնամքի կոսմետիկա։

 

Սինդի Քրոուֆորդն ու Meaningful Beauty-

Սուպերմոդել Սինդի Քրոուֆորդն իր կոսմետոլոգի հետ միասին թողարկել է նորագույն տեխնոլոգիաներին համապատասխանությամբ ստեղծված կոսմետիկայի սեփական գիծը։ Տեսականու մեջ ներկայացված են տարբեր տեսակի վիտամինային յուղեր, որոնք Քրոուֆորդն անձամբ շատ է սիրում։