Երևանում 19-ամյա վարորդը Կոմիտասի պողոտայում Mercedes-ով մեքենաների ջարդ է կատարել. կան վիրավորներ, իսկ նրա համար ժամանել էին Bentley-ով

Shamshyan.com-ը գրում է.

Այսօր՝ օգոստոսի 15-ին շղթայական ավտովթար է տեղի ունեցել Երևանում: Ժամը 17:40-ի սահմաններում Կոմիտասի պողոտայում թիվ 24 հասցեի դիմաց Երևանի բնակիչ 19-ամյա Լենիկ Ավետիսյանը իր վարած Mercedes մակնիշի 90 NQ 001 համարանիշի ավտոմեքենայով բախվել է կայանված վիճակում գտնվող Peugeot մակնիշի 34 FS 347 համարանիշի, Mitsubishi Colt մակնիշի առանց համարանիշի և Lexus մակնիշի 34 QA 305 համարանիշի ավտոմեքենաներին:

Ինչպես վթարի վայրից հայտնում է ֆոտոլրագրող Գագիկ Շամշյանը, վթարի հետևանքով Mercedes-ի 2 ուղևորները մարմնական վնասվածքներով տեղափոխվել են Արմենիա բժշկական կենտրոն: Հարվածի հետևանքով Peugeot-ն և Mitsubishi Colt-ը դուրս էին եկել ճանապարհի երթևեկելի գոտուց և հայտնվել հողածածկ տարածքում: Օպերատիվորեն վթարի վայր են ժամանել ճանապարհային ոստիկանության 1-ին սպայական գումարտակի ծառայողները:

Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Երևանի քննչական վարչություն որտեղից վթարի վայր է ժամանել քննիչ Հրանտ Պետրոսյանը ում կողմից փաստի առթիվ նյութեր են նախապատրաստվում:

Ոստիկանությունն ու քննչական բաժինը պարզում են կայանված ավտոմեքենաների վարորդների և վիրավորների ինքնությունը: Ֆոտոլրագրողի տեղեկություններով 19-ամյա Լ. Ավետիսյանի վարած ավտոմեքենան հաշվառված է Սյունիքի մարզի Ագարակ քաղաքի Սայաթ Նովա 2-րդ շենքի բնակիչ Լադա Հովհաննիսյանի անվամբ: Քննիչի հանձնարարականով Mercedes-ը տեղափոխվում է Երևանի ՃՈ պահպանվող հատուկ տարածք, իսկ վարորդը բժշկական կենտրոն պարզելու սթափության աստիճանը:  

Շարունակությունը՝ այստեղ: