Նառա Դիլանյանը՝ հղիության լուրերի մասին

Blognews.am-ը գրում է.

Դերասանուհի Նառա Դիլանյանի լուսանկարները տարաբնույթ խոսակցությունների տեղիք են տվել։ Լուսանկարներից մեկում նա կլորիկացած փորիկով է, ինչն էլ լուրերի առիթ է դարձել, թե Նառան բալիկի է սպասում։

BlogNews-ի հետ զրույցում Նառան նշեց, որ խոսակցությունները չեն համապատասխանում իրականությանը, ինքը հղի չէ, լուսանկարը թյուրըմռնման տեղիք է տվել։

Նշեք, որ վերջերս մեզ տված հարցազրույցում Նառան ասել էր, որ ինքն ու ամուսինը հիմա չեն ցանկանում երեխա ունենալ, քանի որ տան խնդիր ունեն. «Մենք վարձով ենք ապրում, ես չեմ ուզում, որ իմ երեխան տեղափոխությունների մեջ լինի, իմ երեխան պիտի ունենա իր սեփական տունը։ Երկար տարիներ մեր չամուսնանալն էլ տան խնդրի պատճառով էր։ Այն ժամանակ բոլորին թվում էր` այլ  խնդիր կա, բայց իրականում նույն տան հարցն էր։ Ես միշտ ասում եմ՝ շուտով, սակայն երբ արդեն մեծ ես, ավելի լուրջ ես մտածում երեխա ունենալու մասին։ Եթե ես լինեի 20 տարեկան, վաղուց 5 երեխա ունեցած կլինեի, բայց էս տարիքում ուզում եմ, որ երեխաս ոչնչի կարիք չունենա։ Որ ասում են՝ երեխան ծնվում է՝ «ղսմաթը» հետը, չեմ հավատում, ես միայն ինձ եմ հավատում և չեմ ուզում երեխաս ծնվի ու չտեսնի այն, ինչ ես եմ տեսել։ Ես շատ լավ մանկություն եմ ունեցել, ուզում եմ իմ երեխան էլ ունենա այդպիսի մանկություն։ Հովոն էլ է ինձ հետ համաձայն, որ մեծ տարիքում  դու կարող ես ինչ-որ բաներ չտեսնել, բայց մանկությունդ պիտի շատ լավ անցնի»։

Նյութը՝ Ամալյա Հովհաննիսյանի