Համակարգիչ, գրապահարան եւ գրասեղան՝ Տավուշի մարզի սահմանամերձ գյուղերի դպրոցներին

Տավուշի մարզի սահմանամերձ համայնքների դպրոցներին կնվիրաբերվեն համակարգիչներ, գրապահարաններ ու գրասեղաններ: Վաղը կառավարության հերթական նիստին կներկայացվի ՀՀ արտաքին գործերի նախարարության աշխատակազմի եւ «Պետական արարողակարգի ծառայություն» գործակալության հաշվեկշիռներում ամրացված՝ համապատասխանաբար 40 միլիոն 926 դրամ եւ 2 միլիոն 413 հազար 824 դրամ արժողությամբ գույքը Տավուշի մարզպետարանին ամրացնելու նախագիծը` սահմանամերձ համայնքների դպրոցներին հատկացնելու նպատակով: Բացի այդ՝ 2 միլիոն 520 հազար դրամին համարժեք գրասենյակային գույք էլ կնիրաբերվի Տավուշի մարզպետարանին:

 

Ընդհանուր առմամբ, Տավուշի մարզի սահմանամերձ գյուղերի դպրոցներին կհատկացվի 125 գրասեղան, 178 գրապահարան եւ բազմաթիվ այլ գրասենյակային գույք ու համակարգիչներ:

 

Կառավարության «Գույք նվիրելու մասին» որոշման նախագծի ընդունումը պայմանավորված է արտաքին գործերի նախարարության աշխատակազմի եւ «Պետական արարողակարգի ծառայություն» գործակալության վարչական նոր շենք տեղափոխվելու հետ իրենց հաշվեկշռիռներում գրանցված գույքի մի մասի հետագա օգտագործման ոչ նպատակահարմարությամբ:

 

Նախագիծը մշակվել է ԱԳՆ աշխատակազմի ֆինանսական վարչության կողմից: Այն կառավարության նիստին կներկայացնի ԱԳՆ նախարար Էդվարդ Նալբանդյանը:

 

Քրիստինա Տեր-Մաթեւոսյան

 

 

 

Կիսվել