Սիարան ու Ռասել Ուիլսոնը ամուսնացել են

Երեկ մենք դեռ չէինք հասցրել գրել, որ երգչուհի Սիարան ու ամերիկյան ֆուտբոլի մարզիկ Ռասել Ուիլսոնը մտադիր են ամուսնանալ, իսկ նրանք, գրողը տանի, պարզվում է՝ հենց նույն օրն էլ ամուսնացան:

Հարսանիքը անցել է Անգլիայում` Լիվերփուլի միջնադարյան ամրոցում, որտեղ մոտ 100 հյուրեր էին եկել՝ զույգի ընկերները, նաեւ ազգականները:

Ի դեպ, հյուրերին խստիվ արգելվել է որեւէ բան նկարահանել հեռախոսով, ամրոցի մուտքի մոտ նրանցից վերցրել են գաջետներն ու սմարթֆոնները:

Առայժմ հայտնի է, որ հարսանիքին ներկա էր Քելի Ռոուլանդն ու Ջենիֆեր Հադսոնը: 
TMZ-ի աղբյուրները հայտնում են, որ Սիարան Roberto Cavalli–ի զգեստով էր:

Սիարայի ու Ուիլսոնի հարաբերությունները հաճախ էին քննարկվում մամուլում հիմնականում որովհետեւ զույգը որոշել էր մինչեւ ամուսնություն սեքսով չզբաղվել:

Ֆուտբոլիստը լրագրողներից չէր թաքցնում, որ այդ սկզբունքով է առաջնորդվում կրոնական համոզմունքներից դրդված (երգչուհին մինչ այդ նշանված է եղել ռեփեր Future–ի հետ, որից 2014-ի մայիսին որդի է լույս աշխարհ բերել, իսկ դրանից հետո նրանք բաժանվել են):

Աղբյուրը՝ NEWS.am STYLE