Հայ երիտասարդի սիրո գեղեցիկ խոստովանությունը ՝ 4 տարվա լռությունից հետո

Tert.am Life-ը գրում է.

Սերը երջանկությունն է, իսկ երջանկությունն անբացատրելի հիացմունք, ապրելակերպ, զգացողություն: Սիրել և սիրված լինելը … ահա այս է մարդկանց ցանկությունը:

Tert.am Life-ը ներկայացնում է գեղեցիկ սիրո խոստովանություն: 20-ամյա Միքայելը մեզ է տրամադրել իր սիրո բաղադրատոմսը: Նրա սիրո պատմության մեջ կա մեծ չափաբաժնով համբերություն, վստահություն, համառություն և անկեղծություն:

Միքայելը 4 տարի շարունակ ծանոթ լինելով Էլենի հետ, ի վերջո խոստովանում է այն, ինչ այդ տարիների ընթացքում նրան էր պարուրել:

 

 

Ծանոթացել ենք շատ պատահական՝ Երևանի ժամանցային վայրերից մեկում պարելիս: Հետո սկել ենք աշխատել իրար հետ եւ դարձել ենք պարային զույգ: Այս 4 տարվա ընթացքում հրապուրվել եմ իրենով, բայց երբեւէ  ընկերություն չենք արել եւ այդ մասին չեմ բարձրաձայնել: Ամեն մեկս մեր ներսում էինք պահում այն, ինչ զգում էինք միմյանց նկատմամբ: 4 տարի անց հասունացավ այն պահը, որ մենք երկուսս էլ պիտի անկեղծ լինեինք միմյանց հանդեպ: Որոշեցի մի հետաքրքիր բան մտածել ու ասել այն, ինչ այսքան ժամանակ զգացել եմ իր հանդեպ: Մտահաղացմանս մասին առաջինը տեղեկացավ ընկերս՝ Նորայրը,  իր համար շոկ էր, որ ես նման որոշում էի կայացրել, քանի որ իրականանում էր իր նպատակներից մեկը: Ընկերս ուրախացավ և սկսեց ոգևորել ինձ:

 

 

 

Եվ այդպես հուլիսի 1-ին երևանյան ժամանցի վայրերից մեկի տանիքում տեղի ունեցավ այն, ինչին ես սպասել եմ իմ ողջ կյանքի ընթացքում: Ամեն ինչ շատ հետաքրքր էր մտածված՝ մոմեր, փուչիկներ, շամպայն ու հատուկ նվեր Էլենի համար: Բայց այսքանով չէր սահմանափակված անակնկալը: Ընկերներս այնպես էին կազմակերպել այդ ամեը, որ անգամ ինձ համար էր անակնկալ, քանի որ բաներ կար, որ ես տեղյակ չէի: Այդ ժամանակ հնչեց մեր լավ ընկեր Մագայի «Երազանք» երգը, որը իմ և Էլենի ամենասիրած երգն է: Նրանք հատուկ մեզ համար Մագային հրավիրել էին այդտեղ:  Ընկերս Էլենին օգնեց բարձրանալ վերև և կապեց աչքերը՝ կանգնացնելով սրտի մեջ:

 

 

Ես շատ մեծ փուչիկների կապոցով մոտեցա իրեն, հետո երգեց Մագան և ես սկսեցի ասել այն ինչ այսքան տարի պահել էի մտքում: Հուզումնալից էր այդ պահը և անկարագրելի... :)