Ինչպես ճիշտ ներկել մազերը. խորհուրդ են տալիս փորձագետները

Shabat.am-ը գրում է.

ladyhealth.com.ua-ն ներկայացնում է փորձագետների խորհուրդները, թե ինչպես կարելի է ճիշտ ներկել մազերը:

Մազերը ներկելու համար գույնն ընտրելիս ոչ մի դեպքում չի կարելի կենտրոնանալ ամսագրում դուր եկած ֆոտոմոդելի կամ ընկերուհու վրա: Դա կարող է հսկայական սխալ լինել:

Մազի ներկի տոնը պետք է ընտրել մաշկի կամ աչքերի գույնին համապատասխան, այդ դեպքում չեք սխալվի:

Եթե պեպեններ ունեք, չպետք է գույնի արմատական փոփոխություն անել. մուգ սև կամ սպիտակ գույնով փորձերը հազիվ թե հաջողությամբ պսակվեն: Համարվում է, որ այդպիսի գույները հարմար են երիտասարդ աղջիկներին, որոնք դեռ մաշկի խնդիրներ չունեն, այլապես դեմքի բոլոր թերությունները միայն կընդգծվեն:

Եթե դուք ակամա կարմրում եք, խուսափեք կարմիր երանգներից: Եթե մաշկի սառը երանգ ունեք, մի ընտրեք դեղին երանգներ, նախընտրությունը տվեք «կարմիր ծառին», «կարմիր գինուն», «սմբուկին», «սև» կամ «մոխրագույն շիկահերին»:

Առաջնային նշանակություն ունի աչքերի, մազերի գույնի և մաշկի տոնի համադրությունը: Մուգ աչքերով և թուխ մաշկով գեղեցիկ կդիտվեն մուգ մազերը, իսկ բաց գույնի մազերով և սպիտակ մաշկով՝ բաց գույնի: Եթե աչքերը մուգ կապույտ կամ կանաչ գույնի են, իսկ մաշկը՝ բաց, ապա ձեզ հարմար կլինեն «մուգ» և «բաց գույնի» շեկ մազերը, իսկ եթե մաշկը միջին մգության է, հարմար կլինի «շատենը» կամ «բաց շատենը»: