Տյանցզինի պայթյունների վայրում օդի նմուշների մեջ նյարդակաթվածահարող գազ Է հայտնաբերվել

Չինաստանի Տյանցզին քաղաքում պայթյունների վայրում հայտնաբերվել են նյարդակաթվածահարող գազերի հետքեր: Այս մասին, ինչպես տեղեկացնում Է «Արմենպրես»-ը, հաղորդել Է Չինաստանի կենտրոնական հեռուստատեսությունը: Փորձագետները դրանք հայտնաբերել Էին դեռ օգոստոսի 16-ին արտակարգ պատահարի վայրից վերցված օդի նմուշների անալիզի շնորհիվ:

«Արդյունքները մոտավորապես այնպիսին են, ինչպես եւ նախօրյակին. երկու տեսակի գազակերպ նյութեր՝ նատրիումի ցիանիդ եւ նյարդակաթվածահարող գազ: Այս երկու նյութերի վերաբերյալ ցուցանիշները (օդում դրանց պարունակությունը) բարձր են»,- մեջբերել Է հեռուստատեսությունը Պեկինի հրշեջների ջոկատի շտաբի պետի տեղակալ Լի Սինհուայի խոսքը:

Պայթյունների հետեւանքների վերացմանը նվիրված մամուլի ասուլիսում Տյանցզինի շրջակա միջավայրի պահպանության քաղաքային վաչության փորձագետների խմբի ղեկավար Բաո Ցզինլինը նշել Է, որ նման նյութերի հայտնաբերմամբ զբաղվում են զինվորականները:

ՉԺՀ-ի հասարակական անվտանգության նախարարության տվյալներով՝ պայթյունի շրջանում պահվում Էին շուրջ 3 հազար տոննա վտանգավոր նյութեր, ներառյալ 700 տոննա նատրիումի ցիանիդ, 800 տոննա ամոնիումի նիտրատ եւ 500 տոննա կալիումի նիտրատ:

Պահեստի մոտ, որտեղ տեղի Է ունեցել թունավոր նյութերի պայթյունը, վերգետնյա ջերերում թունավոր նյութերի պարունակությունը նորման գերազանցում Է 27 անգամ:

Պեկինից հարավ - արեւելք ընկած շրջանում գտնվող Տյանցզին նավահանգստային քաղաքում պայթյունները եւ հրդեհը տեղի են ունեցել օգոստոսի 12-ին: Արտակարգ պատահարի պատճառը, ենթադրաբար դարձել Է նավահանգստի տարածքում բեռնարկղի մեջ պայթուցիկ նյութերի ճայթյունը:

Աղետի զոհ Է դարձել 114 մարդ, եւս 54-ն անհայտ կորել Է: 700-ից ավելի մարդ վիրավորվել Է, ավելի քան 6 հազարը հարկադրված են եղել լքելու իրենց տները, հաղորդել Է ՏԱՍՍ-ը: