Ինչպե՞ս ձերբազատվել խռմփոցից

Աշխարհում մեծահասակների մոտ 45%-ը խռմփացնում են քնած ժամանակ: Այս հանգամանքը կարող է տհաճ լինել ոչ միայն ձեր զուգընկերների համար, այլ նաև կարող է շատ լուրջ հետևանքներ ունենալ ձեր առողջության վրա: Խռմփոցը ազդում է ձեր քնի որակի վրա և կարող է հանգեցնել սրտի հիվանդությունների: Խռմփոցն առաջանում է, երբ օդը չի կարողանում ազատ անցնել քթի և կոկորդի միջև: Բժշկական միջամտության դիմելուց առաջ ձեզ ենք առաջարկում փորձել հետևյալ մեթոդները, որոնք ձեզ կօգնեն ազատվել խռմփոցից:

1. Օգտագործեք խոնավեցուցիչներ

   

Շատ մարդկանց մոտ խռմփոցն ավելի ակտիվանում է, երբ նրանք չոր սենյակում են գտնվում, և, հետևաբար, խոնավեցուցիչը կարող է օգնել կանխել չոր օդից առաջացող խռմփոցը: Շատ ջուր խմելը նույնպես կարող է օգնել պայքարել խռմփոցի դեմ:

2. Փորձեք քնել այլ դիրքով

   

Մեջքի վրա քնելը կարող է ավելի ուժեղացնել խռմփոցը: Ամենապարզ լուծումը կողքի վրա քնելն է: Սովորեցրեք ձեզ կողքի վրա քնելուն: Կարող եք ինչ-որ բան ամրացնել ձեր մեջքին, որպեսզի ոչ մի դեպքում չկարողանաք մեջքի վրա պառկել:

3. Քնելուց առաջ ալկոհոլ մի օգտագործեք

   

Քնելուց չորս կամ հինգ ժամ առաջ ալկոհոլ օգտագործելու դեպքում ձեր խռմփոցը ակտիվանալու է: Ինչպես նաև առանց բժշկի հրահանգների քնելուց առաջ մկանային ռելաքսանտներ մի օգտագործեք:

4. Հակախռմփոցային սարք

   

Այս հարմարանքը պետք է քնելուց առաջ դնել ատամների վրա: Դրա շնորհիվ բացվում են շնչուղիները և օգնում քթով ավելի հեշտ և ազատ շնչել:

5. Բացեք քթանցքները

   

Եթե դուք ալերգիկ եք և հաճախ քթի խցանումներ եք ունենում, ապա այս մեթոդը ձեզ շատ կօգնի: Տաք ցնցուղ ընդունեք քնելուց առաջ կամ քթի սփրեյ փչեք՝ այդպիսով բացելով ձեր քթանցքները:

6. Մաքուր պահեք ձեր անկողինն ու ննջասենյակը

   

Ալերգիաների գլխավոր պատճառներից մեկը հենց կեղտոտ ննջասենյակներն ու չլվացված սպիտակեղենն են, որոնք էլ կարող են քթի խցանում առաջացնել: Ինչքան հնարավոր է հաճախ մաքրեք ձեր սենյակը, որպեսզի խուսափեք տիզերից և այլ ալերգիա առաջացնող երևույթներից:

7. Դադարեցրեք ծխելը

   

Բացի բազմաթիվ այլ պատճառած առողջական խնդիրներից, ծխախոտը նաև կարող է քիթը և կոկորդը գրգռելով, այնտեղ խցանում առաջացնել և փակել շնչուղին:

8. Զբաղվեք սպորտով

   

Երբ դուք ամեն օր ֆիզիկական վարժություններ եք անում, ձեր մկանները զարգանում են, այդ թվում նաև կոկորդի մկանները, ինչը նշանակում է, որ դուք կարող եք ավելի հեշտ շնչել և ձերբազատվել խռմփոցից: