Հղիության նախանշանները

Shabat.am-ը գրում է.

Հաճախ կանայք կարողանում են առանց բժշկի այցելելու՝ սեփական ինքնազգացողությամբ, կանխազգալ հղիությունը:  Հղիության առաջին նախանշանները սովորաբար դրսևորվում են հենց առաջին շաբաթից:

Այսպես՝ առաջին նախանշաններից է համարում ամսական ցիկլի ուշացումը, սակայն այն  կարող է պայմանավորված լինել նաև այլ պատճառներով, ինչպիսիք են,  օրինակ, սթրեսները, հորմոնալ խանգարումները, կլիմայի փոփոխությունը կամ ներքին  սեռական օրգանների բորբոքային պրոցեսները:

Հաջորդ  նախանշանը կրծքերի մեծացումն է այն նկատելի է դառնում 1-2 շաբաթ անց: Կրծքերի մեծացումը ուղեկցվում է այտուցվածությամբ և ցավով:  Այս ընթացքում կարող է նկատվել նաև ինքնազգացողության վատացում: Ի հայտ է  գալիս հոգնածության և թուլության զգացում:

Հղիության ամենատարածված նշաններից է սրտխառնոցը: Այն ի հայտ է գալիս 2-3 շաբաթական հղիության կամ ավելի ուշ՝ մինչև  8-10 շաբաթականից դեպքում:

Նախանշան է համարվում նաև ցավի զգացումը մեջքի  ստորին հատվածում: Այն կարող է առաջանալ վաղ հղիության շրջանում և շարունակվել  ողջ հղիության ընթացքում: Հղի կանայք  ավելի զգայուն  են դառնում իրենց շրջապատող  հոտերի նկատմամբ:

Իսկ արդեն 4-5 շաբաթական հղիության դեպքում կնոջ մոտ նկատվում է հաճախամիզություն: Դա պայմանավորված է նրանով, որ արգանդի չափերի մեծացման հետ զուգահեռ միզապարկը ճնշվում է, հետևաբար կարողանում է ավելի քիչ հեղուկ հավաքել:

Կանանց մի մասը սննդից կախվածության է ձեռք բերումն, իսկ ոմանք՝ ընդհակառակը կորցնում են ախորժակը:

Այս նախանշանները, իհարկե,  կարող են օգնել նախքան բժշկի այցելելը հասկանալ՝ կինը հղի է, թե ոչ, բայց ճշգրիտ տվյալ հնարավոր է ստանալ միայն մասնագիտական բուժզննության միջոցով: