Էնրիկե Իգլեսիաս. Աննա Կուռնիկովան իմ ամբողջ կյանքի սերն է, բայց ամուսնությունը պարտադիր չէ

Աննա Կուռնիկովային եւ Էնրիկե Իգլեսիասին միասին բռնացնելը շատ բարդ է, որքան էլ պապարացցիները փորձում են, չեն կարողանում զույգին «որսալ» իրենց օբյեկտիվներում:  

Ճիշտ է, հուլիսի սկզբին նրանց հաջողվեց անել դա, երբ քաղցր զույգին նկատեցին Բեւեռլի Հիլզում: Աննան եւ Էնրիկեն երջանիկ տեսք ունեին եւ երկու օր անց Էնրիկե Իգլեսիասը խոսեց գերմանական Gala  պարբերականի լրագրողի հետ: Երգիչը պատասխանեց իր անձնական կյանքի մասին բոլոր հարցերին, որոնք վաղուց հուզում են երգչի երկրպագուհիներին: 

Հարցազրույցում երգիչը մանրամասներ է պատմել Աննա Կուռնիկովայի հետ հարաբերությունների, ընտանեկան կյանքի եւ երեխաների վերաբերյալ պլանների մասին: 

Էնրիկեի եւ Աննայի սիրավեպն արդեն 15 տարի է շարունակվում է: Զույգն ընդհանուր անշարժ գույք ունի, ունեցվածք, նույնիսկ ընտանի կենդանիներ: Երիտասարդները չեն շտապում պաշտոնական ամուսնություն կնքել եւ լիովին գոհ են առկա վիճակից: 

 

«Ամուսնությունը պարտադիր չէ երջանիկ լինելու համար։ Այն չի ստիպում ինչ-որ մեկին ավելի ուժգնորեն սիրել: Ես նայում եմ իմ ամուսնացած ընկերներին, նրանցից ոմանք այնքան էլ երջանիկ չեն: Ես եւ Աննան հարգում եւ սիրում ենք իրար, մենք լիակատար փոխըմբռնում ունենք: Բայց ինչպես ցանկացած հարաբերություններում, մենք վերելքներ եւ անկումներ ունենք, չէ որ սերը բարդ աշխատանք է: Աննան իմ ամբողջ կյանքի սերն է, բայց ամուսնությունը կարեւոր չէ: Հույս ունեմ, որ 90 տարեկանում էլ կկարողանամ այդպես ասել», - նշում է 41-ամյա իսպանացին:

Աղբյուրը` NEWS.am STYLE