Երեւանում կկառուցվի «Քրոուն Պլազա» հյուրանոց

Աշխարհի առաջատար հյուրանոցային ընկերություններից մեկը՝ Ինտերկոնտինենտալ հյուրանոցային ցանցն այսօր հայտարարել է Երեւանում «Crowne Plaza Yerevan Armenia» հյուրանոցի բացման համաձայնագրի ստորագրման մասին:

Հյուրանոցը կբացվի երկու տարի հետո՝ 2018թ. «Hotel SR LLC» ընկերության ղեկավարության ներքո: «Քրոուն Պլազա» հյուրանոցը տեղակայվելու է Մեսրոպ Մաշտոցի պողոտայում՝ Մաշտոցի 50 հասցեում:

Այն գտնվելու է նորակառույց շենքում եւ կունենա 98 հյուրանոցային համար, որոնց թվում՝ 2 լյուքս, 12 ակումբային համար եւ 84 էկոնոմ դասի: Հյուրանոցում գործելու են լոբբի-բար եւ ռեստորան: Իսկ գործնական հանդիպումների եւ միջոցառումների համար հյուրանոցում կտեղակայվի ընդարձակ կենֆերենց-սրահ եւ բանակցությունների սենյակ:

Աշխարհում պրեմիում դասի ամենախոշոր հյուրանոցային ապրանքանիշերից մեկը՝ «Crowne Plaza Hotels»-ը ավելի քան 404 հյուրանոց ունի 63 երկրներում, որոնք տեղակայված են հիմնական քաղաքների կենտրոններում, հանգուցային քաղաքներում ու հանգստավայրերում:

«Քրոուն Պլազա» հյուրանոցում կկգործի նաեւ «Crowne Plaza Sleep Advantage» ծրագիրը, որն առաջարկում է նորարար ապրանքատեսականի եւ լուծումներ գիշերային հանգիստ քնի համար՝ հարմարավետ մահճակալներ ու միշտ արագ սպասարկվող հեռախոսազանգեր, որոնք կարթնացնեն հյուրին անհրաժեշտ պահին, ինչպես նաեւ կլինեն հատուկ «հանգիստ գոտիներով» հարկեր ու արոմաթերապեւտիկ միջոցներ:

«Քրոուն Պլազա Երեւանը» կլինի այս ապրանքանիշի տակ գործող թվով վեցերորդ հյուրանոցը տարածաշրջանում:

Քրիստինա Տեր-Մաթեւոսյան