10 բան, որ արժե անել Իտալիայում

ԼԱՅՖ 20 Օգոստոս, 2015 15:08

Պիցցա, պաստա, Վերդիի թովիչ երաժշտություն, Կոլիզեյ, դիմակահանդեսներ, տաքարյուն տղամարդիկ, թեժ գեղեցկուհիներ և լավ կոշիկ: Իտալիան որոշ դեպքերում պարզապես անգերազանցելի է:

Բազմաթիվ զբոսաշրջիկներ, ովքեր մեկնում են Իտալիա, չեն ցանկանում միայն պաստա ուտել, լսել գիդին, այցելել օպերա և ապշած հայացքով նայել հին ավերակներին: Այսօր մենք կխոսենք այն մասին, թե ինչ արժե անել հենց Իտալիայում, ոչ թե մեկ այլ տեղ:

Շողոքորթություն

Ինչի էլ որ, դուք հանդիպեք` հիաացմունքների սուլոցի կամ նույնիսկ ապտակ հինգերորդ կետին, իմացեք, որ իտալացիները իրենց շողոքորթության հետ մեկտեղ կարող են լինել նաև ագրեսիվ և համառ: Շողոքորթությունը Իտալիայում դարձել է այն պատմական գործիքը գրավելու և զինաթափելու համար և հենման այն կետը, որի վրա հավասարակշռվում է հասարակությունը:

Իր «Իտալացիները» գրքում Լուիջի Բարզինին գրել է, որ տեղաբնակները մշտապես զբաղվում են այդ արվեստով, որպեսզի ստանան առավելություն ոչնչացնելու իրենց հակառակորդներին, ձեռք բերեն իշխանություն և հարստություն կամ պաշտպանեն իրենց: Չէ որ շողոքորթությամբ կարելի է կուրացնել թշնամիներին, ինչպես դա անում է կաղամարը թանաքի օգնությամբ: Այնպես որ Իտալիան աշխարհի առաջին երկիրն է, որտեղ արժե մեկնել շողոքորթության և գայթակղության սև գոտի ստանալու համար:

Տաք աղբյուրներ

Եթե շողոքորթությունը չի ստիպի ձեզ հանել հագուստը, ապա դա միանշանակ կստացվի Իտալիայի 380 ՍՊԱ կենտրոններում, որոնք առաջարկում են բուժիչ ցեխեր և լիցքաթափող պղպջակներ ցանկացած ճաշակի համար: Հենց Իտալիայում են բացվել Եվրոպայի առաջին լայնամասշտաբ ՍՊԱ կենտրոնները` տաք` ինչպես այս երկրի ժողովուրդը:

Այստեղ գալիս են ապաքինման համար, որին կարելի է հասնել Իսկյա կղզու «հրաբխային վաննաներում», Տոսկանայի ջերմային աղբյուրներում, Բորմիո քաղաքի լեռնային վաննաներում և Գարդա լճի ջերմային այգում: Հին հռոմեացիների ժառանգությունը բավականին եկամտաբեր է Իտալիայի համար. այսօր զբոսաշրջիկները այցելում են այս երկրի ջերմային առողջարաններ` դրանով փակելով իտալացիների ջրային թերապիաների ծախսերը ևս:

Հայհոյանք

Ցանկացած բառ աշխարհի ցանկացած լեզվից իտալական ակցեմտը կարող է վերածել իսկական հայհոյանքի, որը միանշանակ ուժ կունենա: Իտալացիները վիճելու ունակությունները հասցրել են արվեստի մակարդակի և դա անում են մեծ հաճույքով:

Իտալիայի տարբեր շրջաններում ոգևորվում են մեկ խոզի կերպարից, մեկ անատոմիական հատկանիշներից, մեկ թեթևաբարո կանանց հետ անբարոյական կապերից: Բայց և Լոմբարդիայում և Սարդինիայում վիճաբանությունը միշտ հնչում է հավասարապես չար, ծիծաղելի և դրամատիկ: Գլխավոր նպատակը խլացնել, ապշեցնել և վախեցնելն է, իսկ անհրաժեշտության դեպքում նույնիսկ հմայել նրան, ում ուղղված է հայհոյանքը: Իսկ եթե զուգահեռաբար օգտագործել նաև ժեստիկուլացիան կարելի է հասնել այդ բոլորին միանգամից:

Հիմարություն անել լողափում

Իտալիան ունի գրեթե 7,4 հազար կիլոմետր ծովափ, այդ պատճառով զարմանալի չէ, որ հենց այս երկրում են գտնվում Եվրոպայի ամենամեծ լողափը և 27 ծովային այգիները: Իտալական 248 լողափեր պատիվ են ունեցել իրենց ավազի մեջ զգալ «Երկնագույն դրոշի» ձողը:

Ամառային սեզոնին Իտալիայի լողափերում ջերմաստիճանը հազվադեպ է իջնում 30 աստիճանի: Այսինքն «Եվրոպայի այգին» կարող է ուրախացնել լողափասերերին ավելի շատ, քան Պորտուգալիան և Ֆրանսիան իրենց 25 աստիճան միջին ջերմաստիճանով: Իտալիայում ուլտրամանուշակագույն ռելաքսացիայի սիրահարներին դուր կգա ավելի շատ, քան արևադարձային գոտիներում, և միևնույն ժամանակ չի լինի ոչ շնաձուկ ոչ խառնաշփոթ:

Իշխանափոխություն

Իտալիան փոխում է իր կառավարությունը` ինչպես ֆրանսիացի նորաձևը իր ձեռնոցները: Երկրորդ համաշխարհային պատերազմի ավարտից հետո Իտալիայում իշխանության է եկել 62 կառավարություն 38 վարչապետների ղեկավարությամբ: Եվ նրանցից միայն մեկն է ղեկին մնացել հինգ տարի:

Վախենալով, որ պատմությունը մի օր կարող է կրկնվել և կհայտնվի երկրորդ Մուսսոլինի, իտալացիները խիստ թուլացրել են իրենց գործադիր իշխանությունը: Այժմ Իտալիայի քաղաքական դաշտը բավականին մասնատված է, թերթերում անընդհատ հայտնվում են նորություններ խորհրդարանի վեճերի մասին, իսկ կառավարության միջին տևողությունը կազմում է 12 ամսից մի քիչ ավել:

Հրաբխային տուրեր

Իտալիան տաքարյուն երկիր են դարձնում նաև 10 գործող հրաբուխները, որոնք գտնվում են Իտալիայի տարածքում: Եվրոպայի խոշորագույն Էտնա հրաբուխը Սիցիլիայում գտնվող երկրորդ ամենակտիվ հրաբուխն է աշխարհում Հավայան կղզիների Մաունա-Լոայից հետո: Այդ լեռան տպավորիչ ժայթքումները, մրոտված բնապատկերները, ընդարձակ քարանձավները և լավայի հոսքը, որոնք հանդիսանում են ՅՈՒՆԵՍԿՕ-ի համաշխարհային ժառանգության օբյեկտներ, դեպի Իտալիա են գրավում տարեկան ավելի քան միլիոն զբոսաշրջիկի:

Պակաս հետաքրքիր չէ Վեզուվը, որ երբևէ կործանել է Մասսա և Սան-Սեբաստիանո քաղաքները, ինչպես նաև Լիպարյան կղզիներում Ստրոմբոլին, որը նաև անվանում են «Միջերկրածովյան փարոս»:

Աղանդերի համտեսում

Խնձորով կարկանդակ և «Զահեր» տորթը լավ է ու նույնիսկ մի կտոր կպչուն փախլավայի համար զբոսաշրջիկը միշտ ժամանակ և ախորժակ կգտնի: Բայց ինչը կարելի է համեմատվել այն հաճույքի հետ, որը կարող են տալ իտալական քաղցրավենիքները:

Շատերը վստահ են, որ գլխավոր ուտեստները, որոնք բնորոշում են Իտալիան, պաստան և պիցցան են: Բայց իտալական խոհանոցի իսկական աստղերը իրավմամբ համարվում են պաղպաղակը, կաննոլին, տիրամիսուն, ստրուֆֆոլին, բիսկոտտոն, տարտուֆոն, փքաբլիթները. Իտալիան գրեթե այնքան հայտնի աղանդեր ունի, որքան կառավարություն է ունեցել:

Չնայած այս առատությանը, իտալացիները ցանկանում են մնալ նիհար և սլացիկ, այդ պատճառով միջերկրածովյան դիետա են պահպանում: Ավելի հաճախ նրանք հրաժարվում են քաղցրից ի օգուտ մրգերի և շոկոլադի: Բայց դուք չէ որ իտալացի չեք:

Այցելություն քարանձավներ

Իտալիայի լանդշաֆտը ավելի շատ հիշեցնում է քարանձավային ցանցի, չէ որ այս երկիրը համարվում է աշխարհի ամենաքարանձավայինը: Այստեղ հնարավոր է գտնել մոտավորապես 35 հազար ցամաքային և հազար ստորջրյա քարանձավներ:

Հենց Իտալիայում է գտնվում Գրոտտա Գիգանտե քարանձավը, որը գրանցված է Գինեսսի ռեկորդների գրքում որպես զբոսաշրջիկներին հասանելի ամենախոշոր քարանձավ: Եվ այլ հանրահայտ քարանձավներից հարկ է նշել Կապրիի Երկնագույն գրոտը, որտեղ սիրել է լողալ Տիբերիյ կայսրը, և Գրոտտա դել Վենտոն, որի սրահներով անցնում է 40կմ/ժ արագությամբ քամիները:

Զբոսանք սպորտային մեքենաներով

Իտալիան այն երկիրն է, որտեղ ապրում է յուրաքանչյուր ավտոմոբիլիստի երազանքը: 1930 թվականին այստեղ սկսել են արտադրել մրցարշավային մեքենաներ, իսկ այսօր իտալական ոճի իրենց հզոր շարժիչներով սլանում են աշխարհի ամենշքեղ մեքենաները: Օրինակի համար անցյալ տարի Ferrari ընկերությունը վաճառել է ընդամենը 7 հազար մեքենա, բայց դրա հետ մեկտեղ եկամուտը կազմել է 3 միլիարդ դոլար:

Այո, շատերը կարող են ասել, որ այսօր արդեն Lamborghini-ն համարվում է Audi ընկերության սեփականությունը, բայց այդ մեքենաների ուրվագծերը ընդմիշտ կմնան իտալական: Իսկ Pagani-ին, Alfa Romeo-ն, Maserati-ն : Հազարավոր գծեր. չէ որ դա սեքս է անիվների վրա:

Իտալիան ընդգրկված չէ անգամ ավտոարտադրողների թոփ-20-ում, բայց այն առաջատար է սուպերմեքենաների լիգայում, որոնց պաստառները կարելի է տեսնել երիտասարդների ննջասենյակների պատերին ավելի հաճախ, քան Քեյթ Ապտոնի պաստառները:

Գետային կռուիզներ

Դժվար թե Իտալիայի մասին մտածելիս ձեր մտքին գետային կռուիզները հայտնվեն: Բայց ըստ էության ճանապարհորդության նման տեսակը շատ հայտնի է այս երկրում հատկապես ոչ մի երթուղիների պակաս չկա: European Waterways և Uniworld ընկերությունները առաջարկում են կռուիզներ այնպիսի ճանապարհենրով, ինչպիսիք են Վենետիկյան ծովածոցը և Պո հովիտը:

Իտալական գետերը այնքան էլ երկար չեն, որքան Եվրոպայի մյուս գետերը, բայց այստեղ զբոսաշրջիկները հնարավորություն ունեն լողալ ՅՈՒՆԵՍԿՕ-ի համաշխարհային ժառանգության մեկ այլ օբյեկտից մյուսը:

Դուք , անկասկած կարող եք վերընշվածները անել ցանկացած այլ երկրում, բայց այնպես, ինչպես Իտալիայում դժվար թե հաջողվի: Չէ որ գլխավորը «ինչպես» և «ինչու»-ն չէ, այլ «որտեղ» և «ում հետ»: