Ջուսի անակնկալ ամուսնության մասին արդեն շատերն են տեղյակ, իսկ այսօր երգչուհինLife.panorama.am-ին պատմել է իր ամուսնու` իրավաբան Վահագն Մանուկյանի, նրա հետ դեռեւս միասին չապրելու պատճառների ու իր հանդեպ ամուսնու ընտանիքի վերաբերմունքի մասին:
«Զագսավորվեցինք հունիսի 28-ին, բայց անակնկալ կերպով բոլորին հայտնեցինք հուլիսի 9-ին՝ իմ ծննդյան օրը, այդպիսվ եւս մեկ անգամ հաստատելով այն փաստը, որ ես անկանխատեսելի եմ ու ծննդյանս օրը փոխանակ ես սպասեմ անակնկալների, ինքս եմ անակնկալներ անում»,- պատմեց Ջուսն ու շարունակեց.
«Ես ու Վահագնը ամուսնության որոշումը շատ արագ կայացրեցինք, նա առաջարկեց, որ գաղտնի ամուսնանաք ու անակնկալ մատուցենք բոլորին: Մեր ամուսնության նպատակներից մեկն էլ այն էր, որ բաց թողենք այն մարդկանց բերանները, ովքեր ասում էին, թե Վահագն ինձ հետ ուղղակի ման է գալիս, թե ես Վահագին ինձ համար որպես PR եմ օգտագործում: Մենք երկուսով որոշեցինք գնալ այս քայլին ու դա արեցինք բոլորից գաղտնի»,- պատմեց Ջուսը:
.jpg)
Խոսելով իր հանդեպ Վահագն Մանուկյանի ընտանիքի վերաբերմունքից` երգչուհին նշեց, որ ամուսնու 8-ամյա աղջկա հետ հիանալի հարաբերություններ ունի, բայց այ սկեսուր-մայրիկի հետ հարաբերություններն այնքան էլ հարթ չեն.
«Վահագնի մայրիկի հետ դեռ չենք ծանոթացել, որովհետեւ նա մի փոքր խիստ կին է ու երգչուհիների հանդեպ այնքան էլ լավ վերաբերմունք չունի: Մենք դեռ չենք էլ հանդիպել, բայց դա կապ չունի, ես ու Վահագնը վստահ ենք, որ ամեն բան ժամանակի ընթացքում կհարթվի: Նրան թվում է թե ես թեթեւամիտ կին եմ, բայց ես իրականում շատ լուրջ մարդ եմ ու երբ ինձ ճանաչի, կհամոզվի դրանում: Երբ Վահագնի մայրիկը պատրաստ կլինի, ես սիրով կգնամ իր հետ ծանոթանալու»,- ընդգծեց Ջուսը:
Երգչուհին ու ամուսինը դեռեւս միասին չեն ապրում, բայց Ջուսի խոսքով՝ դա սարերի հետեւում չէ.
«Մենք դեռ միասին չենք ապրում, քանի որ Վահագնը պետք է վերանորոգի իր բնակարանը, հետո նոր տեղափոխվենք: Իսկ մինչ այդ կապրենք «гостевой брак»-ի կանոններով: Պատկերացրեք՝ այս կյանքն էլ շատ հետաքրքիր է, մենք կարծես թե երիտասարդ սիրահարներ լինենք, քան ամուսիններ. Նա ինձ ժամադրությունների է հրավիրում, ես երկար պատրաստվում եմ այդ հանդիպումներին, մի խոսքով՝ ամեն ինչ հիանալի է»,- նշեց նա:
Ապագայում Ջուսն ու ամուսինը նախատեսում են պսակադրություն ու հարսանեկան խնջույք ունենալ, բայց այս մասով երգչուհին հստակ տեղեկություններ դեռ չցանկացավ հայտնել:
