Հայաստանն ու ԱՄԷ-ն տնտեսական համագործակցության ներուժը մի քանի անգամ ավելի են համարում ներկա ցուցանիշներից

Հայաստանի Հանրապետությունն ու Արաբական Միացյալ Էմիրությունները երկկողմ տնտեսական ցուցանիշները բազմապատկելու ներուժ ունեն: Այսպես են մտածում երկու երկրների տնտեսական քաղաքականությունն իրականացնող մարմինների բարձրաստիճան ներկայացուցիչները: «Արմենպրես»-ի փոխանցմամբ` հուլ իսի 22-ին Երևանում ՀՀ և ԱՄԷ կառավարությունների միջև ստորագրվել է ներդրումների խրախուսման և փոխադարձ պաշտպանության մասին համաձայնագիր: Ստորագրման պաշտոնական արարողություններից հետո երկու գերատեսչությունների ղեկավարների տեղակալները պատասխանեցին լրագրողներին հարցերին: 

 Համաձայնագիրը ստորագրել են ՀՀէկոնոմիկայի նախարարի առաջին տեղակալԳարեգին Մելքոնյանը և Արաբական ՄիացյալԷմիրությունների ֆինանսների նախարարիտեղակալ Յունիս Հաջի ալ-Խուրին: Ստորագրման արարողությանը ներկա էր ՀՀ էկոնոմիկայի նախարար Արծվիկ Մինասյանը:

Համաձայնագրով սահմանված են Հայաստանի Հանրապետության և Արաբական Միացյալ Էմիրությունների միջև ներդրումայինգործունեության ընդհանուր սկզբունքները: Այն ներառում է հոդվածներ ներդրումների խրախուսման և պաշտպանության,վնասների փոխհատուցման, սեփականազրկման կամ օտարման խնդիրների կարգավորման և համապատասխան< i>փոխհատուցումների, պայմանավորվող կողմերի միջև վեճերի կարգավորման և մի շարք այլ դրույթների վերաբերյալ: ՆերկայումՀայաստանն ունի ներդրումների խրախուսման և փոխադարձ պաշտպանության երկկողմ համաձայնագրեր շուրջ 41 երկրներիհետ:

ՀՀ էկոնոմիկայի նախարարի առաջին տեղակալ Գարեգին Մելքոնյանը նշեց, որ ԱՄԷ-ի հետ նմանատիպ համաձայնագիր Հայաստանը ստորագրել էր դեռևս 2012-ին, նոր համաձայնագրով թարմացնում, ժամանակին համահունչ է դարձվում կարգավորումների փաթեթը: «Որպես ներդրումային գործընկեր` մենք ունենք որոշակի նախապատմություն: 2015-ին ԱՄԷ-ից Հայաստան կատարվել է մոտ 25 միլիոն դոլարի ներդրում: Նախարարի հետ հանդիպմանը երկուստեք նշվեց, որ ներուժը մեծ է ու համատեղ աշխատանքներ պետք է իրականացվեն էլ ավելի բարենպաստ պատկեր ունենա լու համար»,-ասաց Գարեգին Մելքոնյանը:

Նա նկատեց, որ բավականին տարբերակված առևտուր է առկա երկու երկրների միջև: Ներկայացնելով վիճակագրական տվյալներ` փոխնախարարն ասաց, որ 2016-ի հունվար-մայիսի դրությամբ առևտրաշրջանառության մեծ աճ է արձանագրվել` հատկապես արտահանման մասով: «Այս տարվա առաջին հինգ ամիսներին մեր արտահանման ծավալը ԱՄԷ կազմել է 13.5 միլիոն դոլար` ի համեմատ 2015-ի նույն ժամանակահատվածի, երբ եղել է 3 միլիոն դոլար: Դա պայմանավորված է ադամանդի, ոսկերչական արտադրանքի, ծխախոտի արտահանման աճով: Հայաստան-ԱՄԷ տարեկան ընդհանուր առևտրաշրջանառությունը  2015-ին կազմել է 54.7 միլիո ն դոլար»,- հավելեց պաշտոնյան:

Նա նշեց, որ Հայաստանը ԱՄԷ գործարարների համար որպես ներդրումային արդյունավետ ոլորտներ կարող է առաջարկել մշակող և սննդի արդյունաբերության, ջերմոցային տնտեսությունների, գյուղատնտեսության և ոսկերչության ոլորտները:

Արաբական Միացյալ Էմիրությունների ֆինանսների նախարարի տեղակալ Յունիս Հաջի ալ-Խուրին ընդգծեց, որ ստորագրված համաձայնագիրը կարևոր է մասնավոր հատվածի համար, քանի որ տալիս է բնականոն աշխատանքի երաշխիքներ` պաշտպանելով ներդրումներն ու կապիտալը: «Այս պահին մենք ունենք 6 ընկերություններ, որ աշխատում են Հայաստանում: Հուսով ենք նրանց թիվը կավելանա»,-ասաց նա: Պաշտոնյան հավելեց, որ ԱՄԷ-ում ճկուն զարգացած է բանկային համակարգը, իրենք քաջալերում են ներդրումներ առողջպահության և կրթության ոլորտներում:

«Երկու երկրների միջև տնտեսական հարաբերությունները խորացնելու ներուժն այնքան մեծ է, որ կարող են առկա թվերը մի քանի անգամ ավելացվել ու բազմապատկվել»,-ավելացրեց ԱՄԷ ֆինանսների փոխնախարարը:

Յունիս Հաջի ալ-Խուրին տեղեկացրեց, որ իրենք հետաքրքրված են նաև Հայաստանում վերականգնվող էներգետիկայի ծրագրերով, հատկապես, հիդրոէլեկտրակայաններով և նպատակ ունեն այստեղ ներդրումներ կատարել: