ԵՄ դիվանագետներն ակնհայտ ոգեշնչում են Հայաստանում իրավիճակը ապակայունացնող ուժերին. ՌԴ ԱԳՆ

ԵՄ դիվանագետներն ակնհայտ ոգեշնչում են Հայաստանում իրավիճակը ապակայունացնող ուժերին:  Այս մասին ասվում է ՌԴ արտգործնախարարության կողմից տարածված հայտարարության մեջ, որտեղ անդրադարձել են Երևանում տեղի ունեցող իրադարձություններին:

 Հայտարարությունում, որը տեղադրված է ՌԴ արտգործնախարարության պաշտոնական կայքում ասվում է. 

«Երեկ Ռուսաստանի ԱԳՆ պաշտոնական ներկայացուցչի ճեպազրույցի ընթացքում մենք գնահատական տվեցինք Երեւանում ծավալվող դրամատիկ իրադարձությանը: Ուշադրություն դարձրեցինք այդ առթիվ՝ Հայաստանում Եվրամիության ներկայացուցչության հայտարարությանը, որը համաձայնեցվել է երկրում հավատարմագրված ԵՄ անդամ պետությունների դիվանագիտական առաքելությունների ղեկավարների հետ:

Զարմանալի կերպով այդ փաստաթղթում այնպիսի կետ չի հայտնաբերվել, որը ուղիղ ու հստակ կդատապարտել այդ հանցավոր ակցիան՝ ոստիկանության ստորաբաժանման շենքի վրա զինված հարձակումը, ոստիկանի սպանությունը, պատանդների առկայությունը: Փոխարենը նկատելի շեշտադրում է արվել իշխանություններին ուղղված պահանջների վրա՝ պահպանել «համաչափություն» եւ հետաքննել «ոստիկության ոչ իրավաչափ գործողությունները: Դժվար է ազատվել այն զգացողությունից, որ ԵՄ դիվանագետները աջակցում են Հայաստանում այն ուժերին, որոնք ձգտում են ապակայունացնել երկրում տիրող քաղաքական իրավիճակը»: