Օրվա բաղադրատոմսը. Տորթ «Տիրամիսու»

Բաղադրիչներ

Խմորի համար՝
ալյուր – 100գր
ձու – 4 հատ
շաքարավազ – 100 գր
օսլա (крахмал) – 25 գր
կարագ – 25 գր
Խոնավեցման համար՝
սուրճ սև – 3թ/գդ
շաքարավազ – 2թ/գդ
ջուր – 150մլ
լիկյոր – 120 մլ(սրճային)
Կրեմի համար՝
շոկոլադ սև – 100 գր
սերուցք 30-35% յուղայնությամբ – 400 գր
պանիր մասկարպոնե – 500 գր
շաքարի փոշի – 75 գր
Վրան լցնելու համար՝
կակաո – 100գր

Պատրաստման եղանակ

Շոկոլադը անցկացնում ենք մեծ քերիչով։

Ալյուրը զգուշորեն լցնում ենք ձվով զանգվածի մեջ։ Այնուհետև ավելացնում ենք կարագն ու զգուշորեն խառնում։ Խմորը լցնում ենք յուղով պատված տապակի մեջ և տեղափոխում մինչև 180 աստիճան տաքացրած ջեռոցի մեջ։ 25 րոպե թխում ենք, այնուհետև լուցկու հատիկի օգնությամբ ստուգում (եթե լուցկու հատիկը խմորի մեջ խրելուց հետո չոր է, ուրեմն բիսկվիթը պատրաստ է)։ Աշխատում ենք ջեռոցի դուռը չբացել։
Պատրաստի բիսկվիթը սառելուց հետո 3 շերտի ենք բաժանում։

Պատրաստում ենք սուրճը: Ջազվեի մեջ խառնում ենք սուրճը, շաքարավազն ու ջուրը և դնում միջին կրակի վրա: Երբ սուրճը բարձրանա հանում ենք կրակի վրայից ու թողնում ենք, որ սառչի: Խոնավեցման համար խառնում ենք լիկյորն ու սուրճը։
Ապա պատրաստում ենք կրեմը: Մասկարպոնե պանիրը տրորում ենք կես բաժին շաքարի փոշու հետ մինչև համասեռ զանգված ստանանք։
Սերուցքը խառնում ենք մնացած շաքարի փոշու հետ։ Այնուհետև միացնում ենք պանրով զանգվածի հետ։

Վրան լցնում ենք սրճային խառնուրդ (որպեսզի ներծծվի շերտի մեջ), այնուհետև պատում ենք 1/3 կրեմով:

Ապա վրան լցնում քերած շոկոլադի 1/3 մասը։
Նույնը անում ենք նաև երկրորդ շերտի հետ։
Երրորդ շերտը դնում ենք և մի քիչ սեղմում, որ տորթի մակերևույթը հավասարվի։

Բարի ախորժակ:

Այս համեղ տորթ տիրամիսուն կարող եք մատուցել մեկ բաժակ Ձեր պատրաստած կոճապղպեղով թեյի հետ: