Հայկական հեռուստատեսության ամենախելացի հաղորդավարուհիները

Blognews.am-ը գրում է.

Շատերին թվում է, թե հաղորդավար լինելու համար ընդամենը գեղեցիկ ձայն ու համարժեք արտաքին ունենալը բավարար է: Անկեղծ ասած՝ հետևելով մեր հեռուստահաղորդումներին, հասկանում եմ, որ ժամանակին այդպես են մտածել նաև մեր բազմաթիվ գեղեցկադեմ հաղորդավարուհիներին աշխատանքի ընդունած պրոդյուսերները: Դե իհարկե, սուֆլյորն աշխատում է, խմբագիրները տեքստերը գրում են, մնում է լինի մեկը, ով կկարողանա այդ ամենը գեղեցիկ մատուցել հեռուստադիտողին:  Բայց ահա երբ գործը հասնում է ուղիղ եթերին, ամեն ինչ իր տեղն է ընկնում, որովհետև սա այն ժանրն է, որտեղ հաղորդավարական ձիրքից բացի բանավոր «մտածողություն» ու գրագետ արտահայտվել է պահանջվում: Ահա այստեղ էլ  բացահայտվում են այն հաղորդավարները, ովքեր ունեն ինտելեկտ, կիրթ խոսք ու հաղորդակցվելու տաղանդ և  շնորհ: Ո՞վքեր են հայկական հեռուստաեթերի  ամենակիրթ, ամենագրագետ ու ամենապրոֆոսիոնալ հաղորդավարուհիները՝ ծանոթացեք ստորև:

Այս հաղորդավարուհու ինտելեկտի, արտիստիկության ու հաղորդավարական  անգերազանցելի տաղանդի մասին շատ է խոսվել, այդ իսկ պատճառով երկար չենք վերլուծի նրա  հաղորդավարական կերպարը: Պարզապես մի բան՝ Նազենիի օրինակը ապացուցում է, որ աշխատասիրությունը, ինքնակրթվելու անհագուրդ ձգտումն ու ինքնաշտկումը միակ ճանապարհն է դեպի պրոֆեսիոնալիզմ:

 

Աննա Ավանեսյան

Հայ հեռուստադիտողի համար Աննան այն եզակի հաղորդավարուհիներից է, ում  կերպարը ասոցացվում է «կանացիություն» ու «բարեկիրթ» հասկացությունների հետ:   Աննային հայ հեռուստադիտողը առավելապես սիրեց «Սպասիր ինձ» հաղորդման շրջանակներում, որտեղ Աննան հուզիչ ու շատ կիրթ հարցազրույցներ էր վարում հյուրերի հետ:

 

Լուսինե Բադալյան

Լուսինեի գեղեցիկ  ու գրագետ խոսքի հետ մենք սկզբում ծանոթացանք ռադիոյից, իսկ հետո նաև հեռուստատեսությամբ: Լուսինեն  կիրթ է, ունի խորհրդածելու հրաշալի ունակություն, ինչն էլ ունկնդրի համար նրա ուղիղ եթերը դարձնում է հաճելի ու արդյունավետ ժամանց: Լուսինեն նաև շատ համարձակ է իր մտքերն արտահայտելու մեջ, հանգամանք, որը մի քանի անգամ ավելին է դարձնում նրան սիրողների բանակը:

 

Հրաչուհի Ութմազյան

Հրաչուհին այն հաղորդավարուհիներից է, ով իր կերպարի հետ երբեք չի վախենում փորձարկումներ անել: Նա ժանրային առումով տարատեսակ շատ հեռուստանախագծեր է վարել, սակայն «Սպիտակ անկյունը» միակն էր, որտեղ Հրաչուհին բացահայտվեց որպես խորհրդածող ու խորը հոգևոր ներաշխարհ ունեցող անհատականություն:

 

Գոհար Գասպարյան

Գոհար Գասպարյանին մենք միշտ տեսնում ենք ժամանցային, աշխույժ ֆորմատներում, որտեղ հաղորդավարուհու կարևոր բաղադրիչներն են լայն ու գեղեցիկ ժպիտը և անկաշկանդ պահվածքը տեսախցիկի առաջ: Բայց որքան հաճելի է, երբ այդ ամենը նաև համեմված է լինում հաղորդավարուհու կիրթ, գրագետ  խոսքով: