Ամուսիններն` ըստ Աստղագուշակի

Ինչի՞ վրա է պետք ուշադրություն դարձնել ամուսին ընտրելիս: Ինչպե՞ս իրեն կդրսեւորի այս կամ այն տղամարդն ընտանիքում: Այս հարցերի պատասխանները ձեզ կօգնի գտնել աստղագուշակը: Այսպիսով, ինչպե՞ս են Աստղագուշակի տարբեր նշանների տղամարդ ներկայացուցիչներն իրենց դրսեւորում ամուսնական կյանքում:

Խոյն ամուսնության մեջ՝ լավ հայր ու սիրեկան

Եթե Խոյը ամուսնության մեջ հանգիստ է ու ինքնավստահ, ապա նա կդառնա հուսալի պաշտպան, սիրող ու հավատարիմ ամուսին, հոգատար հայր ու լավ սիրեկան: Բայց Խոյերի հետ վիճել չի կարելի: Նրանք շուտ բռնկվում են ու շատ արագ հանգստանում: Այնպես որ ընտանեկան երջանկությունը հիմնականում նրանց կանանց համբերությունից ու նրբանկատությունից է կախված:

Ցուլ. Լավ տանտեր ու հավատարիմ ամուսին

Ցուլերն ընտանիքում ու ամուսնական կյանքում խաղաղասեր են, չեն սիրում վեճեր ու բղավոցներ: Երբեմն ծույլ են, համառ ու քմահաճ, բայց ընդհանուր առմամբ համբերատար են, զգույշ ու ենթարկվող: Միակ բանը, որը Ցուլերին հավասարակշռությունից կհանի ու կխախտի ընտանեկան անդորրը՝ կնոջ դավաճանությունն է, որը նրանք երբեք չեն ների:

Երկվորյակ տղամարդիկ՝ ընտանեկան հարաբերություններում

Երկվորյակը սառնարյուն նշան է: Արկածախնդրությունը նրանց դրդում է նոր սիրային հարաբերությունների, բայց հետո նրանք սկսում են ամեն ինչ վերլուծել, համադրել բոլոր պլյուսներն ու մինուսները, ծանր ու թեթեւ անել: Եվ եթե հանգեն այն եզրակացության, որ այդ ամենն իրենց ձեռնտու չէ, ապա նրանք անմիջապես կանցնեն նոր թիրախի: Դրա համար էլ պատանեկության տարիներին Երկվորյակ տղամարդիկ անկայուն են, իսկ հասուն տարիքում՝ հաճախ են ամուսնալուծվում:

Խեցգետին ամուսին. ամենագրավիչ, բայց խորհրդավոր տղամարդը

Խեցգետին տղամարդիկ շատ փոփոխական են, այսպես ասած՝ տրամադրության մարդիկ են: Արտաքին հրապույրի, մանկական միամտության ու ոգեւորության հետեւում սովորաբար թաքնված է պատվասեր, պահանջկոտ ու երբեմն էլ ագրեսիվ տղամարդ: Նրանք ստեղծված չեն ամուսնական կյանքի համար, քանի որ ձգտում են ճնշել շրջապատին:

Առյուծ ամուսին՝ հուսալի պաշտպանություն, երջանկություն ու բարեկեցություն

Առյուծները Արեւի ծնունդ են: Նրանց կարգախոսն է՝ ես մտադիր եմ ու անում եմ: Նրանց գործելակերպն է՝ տալ սերունդ, հարստություն, երջանկություն ու բարգավաճում:

Եվ Արեւը, եւ Առյուծը խորհրդանշում են առնական վարքագիծը, որը մագնիսի պես ձգում է կանանց:

Կույս ամուսին՝ գործնական, հուսալի ու մշտական, բայց ինչո՞ւ չեն բոլոր կանայք  գնահատում նրանց

Կույս ամուսինները ընտանիքում շատ կարգապահ են ու նույնն էլ պահանջում են տան անդամներից: Եթե կինը ուշադիր լինի նրա նկատմամբ ու բայրացակամ, Կույսը հրաշալի ամուսին կդառնա: Իսկ ահա կնոջ դավաճանությունը կարող է շրջել նրա բնավորությունը, ու սիրո ծարավը կվերածվի վրեժխնդրության ծարավի:

Կշեռք-ամուսին

Կշեռքները հրաշալի ամուսիններ են, որոնք ապահովում են ընտանիքին, ստեղծում համերաշխության մթնորորտ, լավ հայրեր են: Նրանք կայունության կարիք ունեն ու շատ հազվադեպ են ամուսնալուծվում: Միակ թերությունն այն է, որ շատ շուտ են հոգնում ֆիզիկական մտերմությունից: Եթե կինը Կշեռքի ամուսնուց չպահանջի կրքոտ սիրեկան լինել ու թողնի, որ նա ազատորեն զբաղվի իր հասարակական կյանքով կամ նախասիրություններով՝ ապա ընտանեկան խաղաղությունն ու կայունությունն ապահովված կլինեն:

Կարիճ ամուսին՝ ամենակրքոտ սիրեկանը

Կարիճները սովորաբար ընտրում են մտավոր ունակություններով իրենց հավասար կանանց: Ընտանիքը նրանց համար ամրոց է, բայցեւայնպես արտաամուսնական կապերը նույնպես նրանց համար խորթ չեն: Չնայած նրանք երբեք թույլ չեն տա, որ պատահական սիրային կապերը սպառնան իրենց ընտանեկան երջանկությանը եւ երբեք չեն ամուսնալուծվի:

Աղեղնավոր ամուսին՝ կրակում է բոլոր ուղղություններով

Սիրային հարցերում Աղեղնավորը արկածախնդիր են ու կրքոտ: Նրանք ամուսնանում են, երբ հանգում են այն եզրակացության, որ իդեալական հարաբերություններ չեն լինում, այդ իսկ պատճառով կնոջ մեջ նրանք գնահատում են մտավոր ունակությունները, համբերությունն ու ջերմությունը: Կինը պետք է ստեղծի հարմարավետության ու թեթեւության մթնորորտ, երբեմն էլ աչք փակի ամուսնու կողմնակի սիրային կապերի վրա:

Այծեղջյուր ամուսին՝ հուսալի եւ կայուն ընկեր

Այծեղջյուրներրը դժվարությամբ են սիրահարվում, բայց սիրում են խորը՝ չնայած չեն կարողանում արտահայտել իրենց զգացմունքները: Իրենց ընտրած կնոջն ամբողջ կյանքում հավատարիմ են ու դժվար թե երբեւէ ամուսնալուծվեն: Այծեղջյուր տղամարդիկ մինչեւ խորը ծերություն շատ գրավիչ ու թարմ տեսք ունեն, այնպես որ կանայք միշտ կարող են հպարտանալ նրանցով:

Ջրհոս ամուսին՝ ազատասեր ամուսին

Ջրհոսները հավատարիմ ու նվիրված ամուսիններ են: Ապահովում են ընտանիքի բարեկեցությունը, վիճելիս զիջումների են գնում, վստահում իրենց կանանց:

Բայցեւայնպես Ջրհոսները հաճախ են ամուսնալուծվում՝ ընդ որում կանանց նախաձեռնությամբ, որոնք համարում են, որ նրանք չափից եսասեր են ու փորձում են փոխել նրանց: Ջրհոսները երբեք չեն հանդուրժում պարտադրանք ու անազատ կյանք: Կյանքը ոսկե վանդակում նրանց համար չէ:

Ձուկ տղամարդիկ՝ զգայուն ու նվիրված ամուսիններ

Ձուկ տղամարդիկ կնամեծար են, սիրառատ ու զգայական: Նրանք պաշտում ու իդեալականացնում են իրենց ընտրյալին: Ձկների սերը կարող է կամ դրախտ լինել, կամ դժոխք: Դե ինչ աղջիկներ, պատրա՞ստ եք ռիսկի գնալ: Ուրեմն առաջ: Օգնեք, որ նա նվաճի ձեր սերը:

 Աղբյուրը՝ Klubber.ua

 NEWS.am STYLE