Երևանի «Գարեջրի փառատոն»-ը դրական արձագանքներ է ստանում օտարերկրացիներից

Երևանի Կարապի լճի շրջակայքում կազմակերպվեց արդեն ավանդական դարձած «Գարեջրի փառատոն»-ը: Միջոցառումն անցկացվեց երկրորդ տարին անընդմեջ՝ Երևանի քաղաքապետարանի «Երևանյան ամառ 2015» եռամսյա միջոցառումների ծրագրի շրջանակում: Ցանկացողները հնարավորություն ստացան ձեռք բերել գարեջուր և վայելել այն տոնական հանդիսության ներքո:

Փառատոնին ներկայացված էին հայկական գարեջրային շուկայի առաջատար ընկերությունները, քաղաքի գարեջրատները, սրճարաններն ու փաբերը:

«Այս փառատոնը արդեն հասցրել է սիրվել երևանցիների կողմից: Բացի այդ` մենք մեծ արձագանքներ ունենք նաև արտասահմանից, և օտարերկրացիները իրենց դրական մեկնաբանություններ են թողնում «Ֆեյսբուք» սոցիալական ցանցի Երևանի քաղաքապետարանի պաշտոնական էջում»,- լրագրողների հետ զրույցում հայտնեց Երևանի քաղաքապետարանի աշխատակազմի մշակույթի ևտուրիզմի վարչության պետ Կամո Մովսեսյանը` հավելելով, որ այս փառ ատոնի շնորհիվ գարեջրի տեղական արտադրողները հնարավորություն ունեն ներկայացնելու իրենց նոր արտադրանքը:

Իր հերթին Երևանի քաղաքապետարանի մշակույթի և տուրիզմի վարչության տուրիզմի բաժնի պետ Մարիա Բարաղամյանը նկատեց, որ դեռևս ուրարտական ժամանակաշրջանում հայերս ատրաստել ենք գարեջուր, ինչը նշանակում է, որ Հայաստանը դարերից եկող լավ ավանդույթներ ունի գարեջրի արտադրության ոլորտում: «Մենքհամագործակցում ենք զբոսաշրջային ընկերությունների և հյուրանոցների հետ,որպեսզի զբոսաշրջային խմբեր ուղարկեն այս փառատոնի համար, ինչը շատ կարևոր է գարեջրի փառատոնը արտերկրում գովազդելու առումով»,- շեշտեց նա:

Նա հավելեց, որ անցած տարի ութ կազմակերպություն էր մասնակցում փառատոնին, իսկ այս տարի` տասը: «Հաջորդ տարի մենք արդեն պետք է ավելի մեծ տարածք ընտրենք այսփառատոնի համար,քանի որ, ինչպես տեսնում եք, այցելուների քանակը բավականշատ է, և տեղը չի բավականացնում:

Ընդհանրապես, մենք շարժվում ենք դեպիփառատոնային զբոսաշրջության զարգացում, այսինքն՝ կազմակերպում ենքայնպիսի փառատոններ, որպեսզի Երևանի նկատմամբ մարդկանց հետաքրքրությունըմեծանա»,- շեշտեց Բարաղամյանն`ընդգծելով, որ փառատոնի նպատակը հայկական գարեջրի ավանդույթները տարածելն է:

Փառատոնային երեկոն ուղեկցվեց համերգային հագեցած ծրագրով, որի ընթացքում  հանդես եկան «Arpi & Hayway» բենդը, DJ Guevo-ն։

Միջոցառման նպատակն էր հանրությանը ներկայացնել հայկական գարեջրի լավագույն ավանդույթները, գարեջրի արտադրության շուկայում եղած նորամուծությունները, նոր ապրանքատեսակները, խթանել քաղաքային և միջոցառումային տուրիզմի զարգացումը: