Կաթնամթերքով դիետա

Այս սննդակարգին կարելի է հետեւել 3 շաբաթվա ընթացքում: Այն թույլ կտա ոչ միայն ավելի թեթեւ դառնալ, այլեւս երիտասարդացնել սեփական օրգանիզմը. կաթնամթերքը  օգնում է ազատվել նստվածքներից եւ այտուցներից, նպաստում են նյութափոխանակության արագացմանը: Իսկ դրանցում պարունակվող կալցիումը խոչընդոտում է ճարպային բջիջների կողմից ճարպի կուտակմանը: 

Շիճուկն իրենից ներկայացնում է շատ արժեքավոր ցածրկալորիական կաթնամթերք: Դրանում գործնականում չկան ճարպեր, փոխարենը չափից շատ են արժեքավոր սպիտակուցները:  Վիտամինների եւ հանքանյութերի հարուստ հավաքածուն շիճուկն անփոխարինելի դիետիկ մթերք է դարձնում, հետո էլ հրաշալիորեն հագեցնում է քաղցը:  

Ամբողջ սննդակարգի ընթացքում ջուր օգտագործեք անսահմանափակ քանակությամբ: Նախաճաշը միշտ միանման է. առանց շաքարի սուրճ կամ թեյ,  2 կրեկեր կամ մի կտոր պանիր:

Երկուշաբթի

Ճաշ. Մի բաժակ շիճուկ, 2 նարինջ կամ խնձոր:

Ընթրիք. 125 գ ոչ ճարպոտ կաթնաշոռ, 1 ձու, 2 վարունգ:

Երեքշաբթի

Ճաշ. 200 գ խաշած հավ, 2 վարունգ:

Ընթրիք. 125 գ ոչ ճարպոտ կաթնաշոռ, 2 բաժակ ոչ քաղցր յոգուրտ:

Չորեքշաբթի

Ճաշ. 100 գ պանիր, նարինջ կամ խնձոր:

Ընթրիք. 200 գ թարմ բանջարեղենից աղցան, 2 ձու:

Հինգշաբթի

Ճաշ. Մի կտոր բանջարեղենով լցոնած ձուկ, 2 վարունգ:

Ընթրիք. 200 գ վինեգրետ, 1 ձու, 50 գ խաշած հորթի միս:

Ուրբաթ

Ճաշ. 125 գ ոչ ճարպոտ կաթնաշոռ, նարինջ կամ խնձոր:

Ընթրիք. 100 գ խոզապուխտ, ձու, մի փունջ բողկ կամ լոլիկ:

Շաբաթ

Ճաշ. Մի բաժակ շիճուկ, 2 խնձոր կամ նարինջ:

Ընթրիք. 125 գ ոչ ճարպոտ կաթնաշոռ, մի բաժակ ոչ քաղցր յոգուրտ:

Կիրակի

Ճաշ. 100 գ խաշած հավի ֆիլե, վարունգ:

Ընթրիք. 100 գ պանիր, մի կապ բողկ:

 

Աղբյուրը` Dieta.ru

NEWS.am STYLE