Ո՞ւմ հետ է հանգստանալու Սոնա Շահգելդյանը

Blognews.am-ը գրում է.

Երգչուհի Սոնա Շահգելդյանը շարունակում է աշխատել՝ չնայած ամռան տապին։  Նրա խոսքով՝ այս ընթացքում չի դադարել աշխատել, թեև Հայաստանի ներքաղաքական լարումներն ազդել են աշխատանքի տեմպի վրա։ «Երազում եմ, որ Հայաստանում ու ամբողջ աշխարհում լինի խաղաղություն։ Մենք էլ կարողանանք մեր գործով զբաղվել»,-BlogNews

Երգչուհին նշեց, որ շատ նպատակներ ունի, որոնք կապված են դերասանական ոլորտի հետ։ Հարցին՝ նկարահանվելո՞ւ է «Դոմինո» սիթքոմի նոր եթերաշրջանում, պատասխանեց. «Հավանաբար այո։ Զգում եմ, որ կլինեմ։ Ես ցանկություն ունեմ շարունակել նկարահանվել «Դոմինոյում», որովհետև կարծում եմ՝ հանդիսատեսը սպասում է»։

Սոնայի խոսքով՝ այլ առաջարկներ էլ ունի։ «Մի սիթքոմ էլ կա, որում երևի կնկարահանվեմ։ Դերս փոքր է, բայց բումային կլինի։ Կարող եմ ասել, որ կրկին ՊԱՄԳ-ի հետ եմ աշխատելու։ Սերիալում չեմ նկարահանվի։ Ամեն առաջարկ միանգամից չեմ ընդունում, պետք է ինձ հարմար լինի։ Ես ինձ չեմ կոտրատում, որ երևամ, ես միշտ ճիշտ ժամանակին եմ աշխատում,- ասաց նա ու հավելեց, որ առաջարկն ընդունելիս հաշվի է առնում թիմի անդամների մարդկային տեսակը,- եթե թիմի անդամները լավը չեղան, չեմ կարող աշխատել իրենց հետ։ Բնականաբար, ֆինանսն էլ է կարևոր, դա իմ գործն է, բայց ֆինանսն ինձ համար կուռք չէ, որ ոմանց համար առաջնահերթ միայն դա լինի»։

Ինչ վերաբերում է ամառային հանգստին՝ երգչուհին նշեց, որ մինչ օրս աշխատում է և չի մեկնել հանգստի։ «Իմ պարագայում շատ դժվար է համատեղել այդ ամենը։  Հավանաբար ամուսնուս կամ մայրիկիս հետ կմեկնեմ, դեռ ոչինչ չեմ պլանավորել,- ասաց նա ու ավելացրեց, որ հստակ է, որ ուր էլ գնա, երեխային տանելու է իր հետ։ -Ես երբեք նրան մենակ չեմ թողնի, թեև մայրիկս է խնամում ու շատ լավ։ Եթե մայրացել եմ, ուրեմն մեծ պատասխանատվություն ունեմ ու պետք է կարողանամ լավ անել ամեն բան։ Ես հենց այնպես երեխա չեմ ունեցել»։