Լեհական դիետա

Այս սննդակարգը բավականին բազմազան է եւ հաշվեկշռված, իր մեջ ներառում է բավարար քանակությամբ եւ սպիտակուցներ, եւ ճարպեր, եւ ածխաջրեր: Դրա շնորհիվ դուք քաղց չեք զգա, չնայած օրական ընդհանուր կալորիականությունը նվազում է: Լեհական սննդակարգը նախատեսված է մեկ ամսվա համար, որի ընթացքում դուք դանդաղորեն եւ հաստատուն կերպով կնիհարեք: Ժամկետի ավարտին հնարավոր կլինի մինչեւ 5-6 կգ-ով նիհարել: Սննդակարգի հիմնական առանձնահատկությունն այն է, որ անհրաժեշտ է օրական  3-4 բաժակից ոչ ավելի հեղուկ օգտագործել:

Ամեն շաբաթ ճաշացանկի երկու տարբերակ է առաջարկվում, որոնք անհրաժեշտ է հերթագայել: 

Առաջին շաբաթ 

Ա ճաշացանկ 

Նախաճաշ. Մի բաժակ կաթ, մի թեյի գդալ մեղր, չոր բուլկի: 

2-րդ նախաճաշ. Մի բաժակ թեյ առանց շաքարի, 2 կտոր սեւ հաց, որի վրա բարակ շերտով կարագ է քսած, հազարի տերեւներ կամ այլ կանաչի: 

Ճաշ. Բանջարեղենի սուպ, 100 գ ոչ ճարպոտ տավարի միս, 2-3 կարտոֆիլ, մրգային աղցան շաքարով եւ կիտրոնի հյութով:

Հետճաշիկ. 2 լոլիկ կամ մեկ բաժակ տոմատի հյութ, չորահաց: 

Ընթրիք. Մեկ բաժակ յուղազուրկ մածուն, 2 կտոր սեւ հաց կարագի եւ մաղադանոսի հետ:

Բ ճաշացանկ 

Նախաճաշ. Առանց շաքարի թեյ, մի կտոր սեւ հաց, որի վրա մաղադանոս է ցանվել:

2-րդ նախաճաշ. Մի բաժակ մածուն, չոր հաց, բողկ, որի վրա մի քիչ աղ է ցանվել:  

Ճաշ. Արգանակ, 100 գ խաշած ձուկ, 2-3 կարտոֆիլ, որի վրա մաղադանոս է լցված, հազար:  Հետճաշիկ. Միրգ կամ մի բաժակ մրգահյութ, 1 բիսկվիտ կամ թխվածքաբլիթ:

Ընթրիք. Մեկ բաժակ կաթ, 2 կտոր մեղրով հաց: 

Երկրորդ շաբաթ 

Ա Ճաշացանկ

Նախաճաշ. Մեկ բաժակ մրգահյութ կամ բանջարեղենի հյութ առանց շաքարի, չորահաց:

2-րդ նախաճաշ. Մի կտոր սեւ հաց, մի քիչ կարագ եւ ոչ ճարպոտ պանիր, մի բաժակ առանց շաքարի թեյ:

Ճաշ. Բուսակերական սուպ, կոտլետ, գազարով աղցան, կիսել: 

Հետճաշիկ. Մի չափաբաժին մրգեր, թխվածքաբլիթ: 

Ընթրիք. Մեկ բաժակ մածուն, չոր հաց ջեմով: 

Բ ճաշացանկ

Նախաճաշ. Մեկ բաժակ կաթով թեյ, մի կտոր մեղրով հաց:

2-րդ նախաճաշ. 2 կտոր սեւ հաց, 100 գ միս, 2 լոլիկ, մեկ բաժակ թեյ առանց շաքարի: 

Ճաշ. Բորշ, 100 գ խաշած ձուկ, 2 կարտոֆիլ, հազար: 

Հետճաշիկ. Մի բաժակ մածուն, չորահաց: 

Ընթրիք. Մի բաժակ թեյ առանց շաքարի,  ոչ ճարպոտ պանրին 2 շերտիկ, բողկ: 

Երրորդ շաբաթ 

Ա ճաշացանկ 

Նախաճաշ. Մի բաժակ թեյ կամ սուրճ, մի կտոր սեւ հաց մեղրով: 

2-րդ նախաճաշ: Մի բաժակ մածուն, մի կտոր սեւ հաց կարագով, թերխաշ ձու, բողկ:  

Ճաշ. Սնկով սուպ, կոտլետ, բանջարեղենի աղցան, մի բաժակ հյութ: 

Հետճաշիկ. Միրգ, չորահաց: 

Ընթրիք. Մի բաժակ կաթ, չոր բուլկի, 100 գ կաթնաշոռ: 

Բ ճաշացանկ

Նախաճաշ. Մի բաժակ մեղրով կաթ, չորահաց:

2-րդ նախաճաշ. Մի բաժակ թեյ առանց շաքարի, 2 կտոր հաց,  50 գ ոչ ճարպոտ երշիկ, 2 լոլիկ:

Ճաշ. Արգանակ, շոգեխաշած սունկ բանջարեղենի հետ, 2 խորոված խնձոր:

Հետճաշիկ. Մի չափաբաժին միրգ, բիսկվիտ: 

Ընթրիք. Մի բաժակ թեյ առանց շաքարի, մի կտոր հաց, 100 գ ձուկ, խնձոր: 

Չորրորդ շաբաթ 

Ճաշացանկ  Ա

Նախաճաշ. Մի բաժակ թեյ, չորահաց, մի թեյի գդալ մեղր:

2-րդ նախաճաշ: 2 կտոր սեւ հաց կարագով, 50 գ ոչ ճարպոտ պանիր, 2 խնձոր:

Ճաշ. Արգանակ, 200 գ հավ բանջարեղենի հետ, 2 գդալ կարտոֆիլի խյուս, հազար, կիսել:

Հետճաշիկ. Մի բաժակ գազարի հյութ, բիսկվիտ: 

Ընթրիք. Մի բաժակ յուղազուրկ մածուն, թխվածքաբլիթ: 

Բ ճաշացանկ

Նախաճաշ. Մի բաժակ կաթ, մի կտոր աշորայի հաց կարագի հետ: 

2-րդ նախաճաշ: Թերխաշ ձու, հաց, 20 գ կարագ, թեյ, խնձոր:

Ճաշ. Մի բաժին ոչ յուղոտ արգանակ, լոբի լոլիկի հետ, երկու խաշած կարտոֆիլ մաղադանոսի հետ, խնձոր: 

Հետճաշիկ. Մածուն, չորահաց: 

Ընթրիք. Բողկ, 2 բուտերբրոդ պաշտետի հետ:

 Աղբյուրը` Dieta.ru

NEWS.am STYLE