«Կոկա-կոլան» Հայաստանում խիստ ագրեսիվ հարձակում է սկսել. գործազուրկների թիվը կավելանա

Nyut.am-ը գրում է.

Հայրենի ապրանքարտադրողները հայտնվել են անորոշ վիճակում: Տեղական հյութեր արտադրող կազմակերպությունների մեծ մասը շոկի մեջ է: «Կոկա-կոլա» ընկերությունը խիստ տարօրինակ ագրեսիվություն է ցուցաբերում: Ամենամարդաշատ տարածքներում ընկերությունը լրացուցիչ միլիոններ է ծախսում` վաճառողներին պարտադրելով իրացնել իր ապրանքը, զուգահեռ արգելելով այլ ըմպելիքների վաճառքը:

Քիչ առաջ մեզ զանգահարեց ընկերություններից մեկի տնօրենը և հայտնեց, որ Հայաստանում հյութեր արտադրողները տեղում չեն կարողանում իրացնել իրենց ապրանքները, քանի որ «Կոկա-կոլան» լրացուցիչ փողեր է ծախսում` առևտրականներից պահանջելով, որ վաճառեն միայն իր ապրանքը: Նախկինում էլ է եղել այս երևույթը, բայց ոչ այսպես ահռելի մասշտաբներով: Եթե այսպես գնա, ապա իրար հետևից տասնյակ գործարաններ կփակվեն:

Նյութը արդեն պատրաստ էր հրապարակման, երբ ահազանգ ստացանք, ըստ որի` «Ջրաշխարհում» մարդկանց «ստիպում» են խմել միայն «Կոկա-կոլա»` բացառելով մյուս հյութերը:

Հիշեցնենք, որ «Կոկա-կոլայի» միջազգային ընկերության ղեկավարը ազգությամբ թուրք գործարար Մուհթար Քենթն է: Հիշեցնենք, որ անցյալ տարվա ապրիլի 24-ին նույն այս թուրք Քենթն էր ԱՄՆ-ում ուղղաթիռով կազմակերպել հակահայկական լոզունգի տարածումը, որում ասվում էր, թե ցեղասպանություն չի եղել:

Ի՞նչ են մտածում իշխանությունները: Եթե այս հարցին նրանք դիտորդի կարգավիճակում կողքից նայեն, ապա հազարավոր աշխատատեղեր կփակվեն հյութ արտադրող մեր գործարաններում: