Կրտսեր երեխաների մոտ աստմա և մրսածություն ունենալու հավանականությունն ավելի քիչ է, քան ավագ երեխաներին մոտ

Ըստ մի ուսումնասիրության՝ կրտսեր երեխաներն ավելի դիմացկուն են, երբ հարցը վերաբերում է առողջությանը:

Ըստ այդ ուսումնասիրության՝ կրտսեր երեխաների մոտ ավելի ցածր է աստմա, տոնզիլիտ կամ նույնիսկ ուղղակի մրսածություն ունենալու հավանականությունը:

Իսկ քույր և եղբայր չունեցող երեխաների մոտ շատ ավելի մեծ են քրոնիկ թոքերի հիվանդություն ունենալու ռիսկերը:

Ըստ շվեդ հետազոտողների՝ քույր և եղբայր ունեցողները շաքարային դիաբետի առաջին տեսակ և ուշադրության պակասի և հիպերակտիվության համախտանիշ ունենալու հավասար ռիսկեր ունեն, իսկ միայնակ երեխաները այդ երկու հիվանդությունները ձեռք բերելու ամենաբարձր ռիսկերն ունեն:

Այնուամենայնիվ, նրանք բոլորն էլ շնչառական վարակներ ձեռք բերելու հավասար շանսերն ունեն:

Շվեդիայի Կարոլինկայի համալսարանի հետազոտողները ուսումնասիրել են 1996-ից մինչև 2002 թվականներին ծնված ավելի քան 300.000 երեխաների:

Նրանցից ավելի քան 13%-ը միայնակ երեխաներ էին, մինչ 43%-ը առաջնեկներ էին, իսկ 44%-ը ունեին ավագ քույր կամ եղբայր:

Հետազոտողները հաշվարկեցին 2008 թվականին(այդ ժամանակ երեխաները 6-12 տարեկան էին) երեխաների մոտ այդ հիվանդության տարածվածությունը:

Գիտնականները կարծում են, որ աստմա, շնչառական վարակներ, առաջին տեսակի շաքարային դիաբետ և ուշադրության պակասի և հիպերակտիվության համախտանիշ ունենալու ռիսկերը կրտսեր երեխաների մոտ ավելի ցածր են, քանի որ մայրերն ավելի շատ են դեղերի միջամտությանը դիմում իրենց առաջնեկներին ունենալու ժամանակ:

Գիտնականները նաև պնդում են, որ հղիությունների ժամանակ երեխաների՝ բակտերիաների հետ առնչությունների տարբերությունները նույնպես կարող են ազդել նման արդյունքի վրա:

Գլխավոր հետազոտող Կատարինա Մալմռոսն ասում է. «Մեր ուսումնասիրությունը հաստատում է արյունակցական կապի և մանկական հիվանդությունների միջև կապը: Մենք պարզել ենք, որ միայնակ երեխաները աստմա, դիաբետ և ՈՒՊՀՀ ունենալու ավելի շատ ռիսկեր ունեն, քան նրանք, ովքեր ունեն կրտսեր քույրեր կամ եղբայրներ: Այնուամենայնիվ շնչառական հիվանդություններ ունենալու ռիսկերը բոլորի մոտ էլ հավասար են:»

 

Նյութը հրապարակման պատրաստեց Past.am-ը։