9 խորհուրդ լուսանկարում իդեալական տեսք ունենալու համար

Մենք այնքան ենք սովորել տեսախցիկի առջև դիրքեր ընդունելուն, որ արդեն դժվարությամբ ենք պատկերացնում մեզ իրական կյանքում: Դրանք կարող են լինել նաև մեր սմարթֆոններով արված սելֆիները: Սակայն պրոֆեսիոնալ ֆոտոշարք ստեղծելիս մենք մեր հույսը դնում ենք էլեկտրոնային զտիչների վրա և փորձում մեր սխալները դրանց միջոցով շտկել:

Միայն պրոֆեսիոնալ տեսախցիկները կարող են ֆիքսել մեր իրական տեսքը՝ ցույց տալով մեր թերությունները և առավելությունները:

Ուստի, Past.am-ը Ձեզ կներկայացնի լուսանկարիչ Ռոման Զահարչենկոյի խորհուրդները, որոնք կօգնեն ձեզ լուսանկարներում իդելական տեսք ունենալ:

1. Խուսափեք ցածր անկյան տակ նկարվելուց

   

Ցածր անկյունից նկարվելով՝ ձեր դիմանկարն ավելի ձգված է երևում և այդպես դուք հնարավոր է մի քանի «կիլոգրամ» ավել երևաք: Ամենաճիշտը կլինի լուսանկարվել հենց աչքի մակարդակի վրա. այսպես ձեր լուսանկարում ոչինչ իր չափից մեծ չի երևա և ավելին, դուք կխուսափեք լուսանկարում կրկնակի կզակ ունենալուց:

2. Խուսափեք նաև բարձր անկյան տակ նկարվելուց

   

   Բարձր անկյան տակ լուսանկարվելիս ձեր գլուխը անհամաչափ տեսք է ստանում՝ համեմատած մարմնի այլ մասերի հետ:

3. Գտեք ձեր «հաջողակ» կողմը

   

   Գրեթե բոլորի դիմագծերն էլ անհամաչափ են: Հետևաբար, դուք պետք է գտնեք ձեր դեմքի առավել գեղեցիկ կողմը և հենց այդ կողմով լուսանկարվել:

4. Այտերը դեպի ներս մի ձգեք

   

Եթե չեք ցանկանում, որ ձեր այտերը մեծ երևան, դրանք ներս մի ձգեք: Ուղղակի ձեր դեմքը ¾ -ով թեքեք տեսախցիկից և ձեր լեզուն սեղմեք բերանի խոռոչի վերին հատվածին:

5. Աչքերը լայն մի բացեք

   

   Աչքերը լայն բացելով և ունքերը բարձր պահելով դուք ձեր դեմքին զարմացած և վախեցած տեսք եք տալիս: Ճիշտ կլինի լուսանկարվելիս ձեր աչքերը մի փոքր նեղացրած պահել, քանի որ այդպես դուք ձեր հայացքն ավելի վստահ և գրավիչ կդարձնեք:

6. Մռայլ տեսք մի ընդունեք

   

   Մռայլ տեսք ընդունելով դուք ոչ միայն սպառնացող տպավորություն եք թողնում, այլ նաև նման դիրքում ձեր քիթն ավելի երկար է երևում: Ձեզ ներկայացնելու ամենաճիշտ ձևը կլինի ուղիղ տեսախցիկին նայելը:

7. Կզակը բարձ պահեք

   

   Ձեզ կողքից լուսանկարելիս մի փոքր բարձրացրեք կզակը, որպեսզի ձեր դեմքն ավելի արտահայտիչ լինի: Այս պարզ հնարքով ձեր այտերը և պարանոցը ավելի բարակ և նրբագեղ տեսք կունենան:

8. Մի մոտեցրեք շուրթերը

   

   Եթե ցանկանում եք լուսանկարով համբույր ուղարկել, մի փորձեք սահմանն անցնել, այլապես, դուք տպավորություն կստեղծեք իբր լեզու եք հանում մեկի վրա:

9. Բնական ժպտացեք

    

   

   Համեստ և բնական ժպիտը ձեզ շատ ավելի հաճելի կդարձնի, քան եթե ձեր ողջ ատամնաշարով ժպտաք և ավելի ընդգծեք ձեր կնճիռները:

   Նյութը հրապարակման պատրաստեց Past.am-ը: