Մթերքներ, որոնք արագ հագեցնում են և չեն վնասում կազմվածքը

Life.panorama.am-ը գրում է.

Բազմաթիվ դիետաներ առաջարկում են քաշի արագ նվազեցում, բայց արդյունքը ոչ միշտ է արդարացնում սպասելիքները։ Ավելորդ քաշից ազատվելու լավագույն եղանակը նյութափոխանակության կարգավորում  է, որն էլ կարելի անել ունիվերսալ եղանակով։

 Ձեզ ենք ներկայացնում մթերքների ցանկ, որոնք կօգնեն արագացնել նյութափոխանակությունը, կհագեցնեն և չեն վնասի ձեր կազմվածքին։

Հնդկահավի կամ հավի միս

Դիետիկ միս, որի մեջ պարունակվում է մեծ քանակությամբ սպիտակուց, նպաստում է նյութափոխանակության լավացմանը։ Օրինակ հավի կրծքամսի մեջ պարունակվում է 300 կալորիա, որից 210 գնալու է օրգանիզմի էներգետիկ ծախսերի վրա, իսկ 70-ը՝ մարսելու։  Դուք երկար ժամանակ կմնաք հագեցած և չեք վնասի ձեր կազմվածը։

Ամբողջական, չմշակված հացահատիկներ

Ամբողջական հացահատիկներից պատրաստված մթերքների մարսումը բավականին դժվար ընթացք ունի։ Օրգանիզմը երկու անգամ ավելի շատ կալորիա է ծախսում մանրաթելերով հարուստ մթերքի մարսման համար։ Շատ անգամ ավելի օգտակար է սնվել շագանակագույն բրինձով, կամ չմաքրված վարսակի հատիկներ, քան թե մշակված հացահատիկներ։

Թեյ

Սառը կամ տաք կանաչ թեյը միանգամից արագացնում է նյութափոխանակությունը։ Այն իր մեջ պարունակում է ուժեղ հակաօքսիդանտ։

 Կաթնամթերք

Նյութափոխանակության լավացման համար պետք է ունենալ լավ մկանային կառուցվածք։ Դրա համար սննդակարգում պետք է ավելացնել ցածր յուղայնություն ունեցող կաթնամթերքներ՝ այն հանդիսանում է կալցիումի և վիտամին D-ի աղբյուր, ինչը անհրաժեշտ է առողջ մկաններ և ոսկորներ ունենալու համար։

Կծու պղպեղ

Կապսաիցինը կծու պղպեղի մեջ պարունակվող ակտիվ բաղադրիչներից մեկն է։ Այս  բաղադրիչը կարգավորում է սովի զգացողությունը և պայքարում է ավելորդ կիլոգրամների հավաքման դեմ։  Յուրաքանչյուր ճաշի մեջ ավելացրեք կծու պղպեղ։

Հնդկաձավար կամ ոսպ

Օրգանիզմում երկաթի պակասը բերում է նյութափոխանակության դանդաղեցմանը, և կանխարգելում է անեմիայի առաջացումը։

Քաշի ավելի արդյունավետ իջեցման համար անհրաժեշտ է օրեկան օգտագործել առնվազն 2 լիտր ջուր։

Այս վեց մթերքները բավական են, ամբողջ օրվա ընթացքում հագեցած մնալու համար։