Սեյրան Օհանյանը 2-րդ բանակային զորամիավորման հրամկազմին է ներկայացրել նորանշանակ հրամանատարին

Վարդենիսի մշակույթի տանը օգոստոսի 9-ին ՀՀ պաշտպանության նախարարության 2-րդ բանակային զորամիավորման հրամանատարական կազմին է ներկայացվել զորամիավորման նորանշանակ հրամանատար, գնդապետ Դավիթ Մունակյանը: Զորամիավորման հրամանատարական կազմի և տարածքային կառավարման մարմինների ներկայացուցիչների մասնակցությամբ անցկացված միջոցառմանը ներկա է եղել ՀՀ պաշտպանության նախարար Սեյրան Օհանյանը:

Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության եւ հասարակայնության հետ կապերի վարչությունից,

բանակային զորամիավորման հրամանատար, գնդապետ Դավիթ Մանուկյանն իր խոսքում շեշտել է, որ պատվաբեր է ստանձնել լավագույն բանակային զորամիավորումներից մեկի հրամանատարի պաշտոնը և վստահեցրել, որ զորամիավորման հրամանատարական կազմը շարունակելու է նույն եռանդով և նվիրումով ծառայել ի շահ ազգային բանակի: Շնորհակալություն հայտնելով ներկաներին համատեղ արդյունավետ աշխատանքի համար՝ զորամիավորման նախկին հրամանատար, ՀՀ ԶՈՒ սպառազինության վարչության պետ, գեներալ-մայոր Պողոս Պողոսյանը շնորհակալություն է հայտնել զորամիավորման անձնակազմին և տարաքային կառավարման մարմինների ներկայացուցիչներին համատեղ աշխատանքի ու փոխգործակցության համար:

Միջոցառման ավարտին ՀՀ պաշտպանության նախարար Սեյրան Օհանյանը բարձր է գնահատել զորամիավորման հրամանատարական կազմնի և ենթակա ստորաբաժանումների պատրաստվածության մակարդակը՝ համոզմունք հայտնելով, որ զորամիավորման ստորաբաժանումները միասնական ուժերով կշարունակեն ամբողջությամբ կատարել առաջադրված մարտական խնդիրները: