Ադրբեջանի ՊՆ-ն անուշադրության է մատնել ապրիլյան մարտերում սպանված զինծառայողի ընտանիքին

Ապրիլյան մարտերում սպանված զինծառայող Ռահիմ Թաղըեւի կինը` Վյուսալա Թաղըեւան հայտնվել է անելանելի վիճակում: 

Ինչպես հաղորդում է «Արմենպրես»-ը, երեք անչափահաս երեխաների հիվանդ մայրըazxeber.com կայքին բողոքել է, որ ամուսնու մահից հետո ինքը զրկվել է եկամուտից եւ չի կարողանում հոգալ երեխաների ապրուստը, քանի որ չի կարողանում երեխաներին հասանելիք նպաստի համար փաստաթղթեր հավաքել:

«Ես գրանցված եմ Մինգեչաուրում, իսկ ամուսինս` Շեքիում: Հիվանդ լինելու եւ փող չունենալու պատճառով չեմ կարող հաճախ մեկնել Շեքի: Ոչ մի փաստաթուղթ չեմ կարողանում ձեռք բերել, որովհետու ինձ այստեղից այնտեղ են ուղարկում, անգամ ասում են, որ պետք է Բաքու գնամ` փաստաթղթեր հավաքելու համար: Մնացել եմ ճանապարհներին: Շուտով դպրոցները կսկսվեն, իսկ ես փող չունեմ երեխաներիս համար հագուստ եւ գրենական պիտույքներ գնելու համար: Մեր ընտանիքով ոչ ոք չի հետաքրքրվում: Կարծես ամուսինս այս երկրի համար չի զոհվել», -բողոքել է նա:

«Ինչու՞ պաշտպանության նախարարությունը չի հետաքրքրվում մեզնով: Մենակ ես ինչպես՞ մեծացնեմ երեք երեխաներիս: Ես անգամ փող չունեմ դեղորայք գնելու համար: Եթե ամուսինս ողջ լիներ, նա կհոգար մեր մասին, բայց նա զոհվեց այս պետության համար, իսկ պետությունը չի հետաքրքրվում նրա երեխաներով: Մնացել եմ երկու շրջանների միջեւ», -նշել է նա:

Կայքը հայտնում է, որ սա ապրիլյան մարտերում սպանված ադրբեջանցի զինծառայողների ընտանիքների հետ կապված հերթական խայտառակ դեպքն է: