Տարիքային հորոսկոպ

ուրաքանչյուր տարիք իր առանձնահատկությունն ունի և դա հասկանալ, բացատրել հնարավոր է նշանների հատկություններով, որոնք համապատասխանում են տարիքին: Մարդու կյանքում գոյություն ունի տարիքային 12 փուլ, որոնցից յուրաքանչյուրը սպասում է իր ժամին և «միանում» է սահմանված ժամանակահատվածում: Սակայն այս ծրագրերից մեկը` կախված ծննդյան օրից, ամբողջ կյանքի համար է: Մարդը պետք է իմանա իր տարիքային կենսական նշանն ու հաշվի առնի այն: Կարդա և նկատի ունեցիր. դեռ հնարավոր է մոտենաս ինքդ քեզ հասկանալուն:

Առաջին կյանք` Աքլոր (նորածին)

Ծնվելով` մարդը ճչում է: Նրա ճիչը կարելի է համեմատել արևածագի աքլորականչի հետ: Կենդանական աշխարհում նման այլ երևույթ չկա: Նորածնի արտաքին անօգնականությունն ու անմտությունը չպետք է մոլորության մեջ գցեն ծնողներին.նա բարձր ինտելեկտուալ է: Նրա մտածողությունը հզոր արագություն ունի. առաջին տարիքը մտավոր մի իսկական փոթորիկ է` տարածության, ժամանակի, ձայների ու գույների ճանաչման առումով: Աքլորը տրամաբանող է: Իսկ այս տարում ծնվածները թողիրենցմեջ երեխայական հատկանիշներ չփնտրեն, այլ` մտքի արագություն, զինվորականի տրամաբանություն, երգահանի լսողություն, նմանակելու կարողություններ:

 Երկրորդ կյանք` Կապիկ (1-3 տարեկան)

Երկրորդ տարիքը սկսվում է 1 տարեկանից. ձևավորվում է հիշողությունը, թեկուզ` մանկական: Առաջանում է սեր ծնողների, շրջապատի ու սեփական անձի հանդեպ. շատ հստակ ու շոշափելի սեր: Ցանկանում է ձեռք տալ, բերանը տանել, կծել... ինչո՞վ փոքրիկ կապիկ չէ: Պետք չէ մոռանալ, որ համն ու հմայքը ձևավորվում են հենց այս տարիքում: Կապիկը ինտրավերտ է, այս տարիքում ավելորդ շփում հարկավոր չէ: Կապիկը կամային նշան է: Մի´ խանգարեք երեխայի կամարտահայտմանը:

 Երրորդ կյանք` Այծ (3-7 տարեկան)

Երկուսուկես տարեկանից հետո երեխայի հետ տեղի են ունենում շրջապատի համար տհաճ փոփոխություններ: Անուշիկ բալիկը վերածվում է քմահաճ երեխայի: Մարդը ճանաչում է աշխարհաստեղծման ողջ ծավալը, որի առաջին մասը բնությունն է, երկրորդը` գոյություն ունեցող իրերի լեզվական համարժեքը: Նա սպունգի նման ներծծում է բառերը, արտահայտությունները, կերպարները, ֆիլմերն ու հեքիաթները. գլխավորը` նրան միայն «հաց ու ջրով» մի պահեք: Այս տարիքում կարևոր է դառնում ոգևորությունը: Մի չորացրեք նրա արցունքները, թող արտասվի. բարի կմեծանա: Բայց մի մոռացեք խղճալ նրան, նա իսկապես անպաշտպան է այս տարիքում:

 Չորրորդ կյանք` Ձի (7-12 տարեկան)

Կամքն այս տարիքի բանալի-հասկացությունն է, ընդ որում` գիտակցական կամքն է` որպես նպատակի խորը իմացություն: Յոթամյա երեխան հանկարծ գիտակցում է, որ իր ճանաչողությունն ու կարողությունները լուրջ չեն: Նա չի կարողանում ոչինչ կարգին անել: Այժմ նա պետք է սովորի ամեն ինչ ինքնուրույն անել: Հնարավորություն տվեք նրան, մի´ խանգարեք կպչուն աջակցությամբ: Այս տարիքում և այս նշանի տակ ծնվածները ինքնակրթվող «մեքենաներ» են: Ձիու երկաթյա կամքն անհաղթելի է: Այս տարիքում երեխան նվիրված է ընտանիքին, նրա կուռքը ծնողներն են, բայց նա արդեն խուզարկում է հասարակությունը:

 Հինգերորդ կյանք` Ցուլ (12-17 տարեկան)

Անցումը 12-ից 13 տարեկան տեղի է ունենում անդունդի վրայով: Կամուրջը (ընտանիքը և դպրոցը) ընդամենը քողարկում է այն: Գաղափարախոսական և հոգեբանական փոփոխությունից բացի, փոխվում է նաև տարիքային թաքնված ողջ պահունակը. մարդու կազմվածքն այժմ «առնետային» է, հուզականությունը` «վարազային», գործողությունները` «շնային»: Տարիքի առանձնահատկությունն այն է, որ նա դեռ ընտանիքինն է, բայց մտքերով` ամբողջությամբ հասարակությանը: Առայժմ հարկավոր է ազատություն տալ թերարժեքության բարդույթներին և դրանց հակառակ կողմին` ամեն ինչ չափազանցնելու մոլուցքին: Ամեն դեպքում կամազուրկ տարիք է, այսինքն` միշտ հնարավոր է ազդել դեռահասի վրա (չմոռանաք, որ աղջիկների դեպքում մի փոքր այլ է, և կամքը Ցուլի տարիքում երկաթյա է):

 

Վեցերորդ կյանք` Առնետ (17- 24 տարեկան)

Վերջապես սիրո տարիք է: Հաստատ սովորելու ժամանակը չէ: Սեռական կենսաբանությունն այլևս չի շրջափակվում գիտակցության կողմից և ինչպես գարնանային քամի` դուրս է պրծնում դեպի ուղեղ: Սիրուց երեսթեքել հնարավոր չէ, բացի այդ էլ անիմաստ է: Այդ իսկ պատճառով կարելի է միայն ապշել զինվորական հրամանատարների այն համառությունից, ովքեր այս տարիքի հենց պիկին փորձում են պատանիներին հեռու պահել մարդկության իգական հատվածից: Այդուհանդերձ, ուսուցումն ընթանում է ոչ թե համակարգված ու տեսական ուղով, այլ գործնականորեն, շոշափելիորեն: Սերն այս տարիքում համամարդկային է:

 Յոթերորդ կյանք` Վարազ (24-31 տարեկան)

Անգործունակ տարիք է, որը նման է նախադպրոցականի անշարժությանը: Ընդ որում` մարդը 24 տարեկան է, հնարավոր է` ավարտել է բուհը: Տեսքը համակրելի է, լի` գիտելիքներով, զգլխիչ կրթվածություն, հետաքրքրությունների լայն շրջանակ, իսկ արդյունքը` քիչ: Վարազը «առագաստանավ» է. քամին որ կողմ փչի, այն կողմ էլ կլողա: Աշխատանք ունի` շատ լավ, չունի` էլի լավ: Ցանկացած աշխատանք ի զորու է կատարել, բայց ինքնուրույն գիտակցել առաքելությունը դեռևս տրված չէ: Նա, ով գնում է առավելագույն ծրագրով, պետք չէ վախենալ դրա թույլ իրացումից: Անձի հիմնական խնդիրը մշակութային հարստությունը յուրացնելն է:

 

Ութերորդ կյանք` Շուն (31-42 տարեկան)

Կատակներն ավարտվեցին: Ինչպես Ձիու տարիքը` անարգել աշխատանքի շրջանն է: Պարտադիր ամուսնություն (երբեմն` երկրորդ), երեխաների ծնունդ, նրանց դաստիարակություն, ամուր տնտեսության ստեղծում, միաժամանակ` կարիերա, սեփական գործի, տարածքի հիմնում… կբավականացնե՞ն արդյոք ուժերը: Եթե նախկինում կյանքի ընթացքը չի արագացվել, այլ ընթացել է տարիքին համապատասխան օրենքներով, ուրեմն` կբավականացնի: Այսինքն` մտածել հարկավոր էր այն ժամանակ, այժմ գործելու հերթն է, երբ մարդ առավել շատ ձգտում է «ինքնավարության», անհատականության:

 Իններորդ կյանք` Օձ (42-55 տարեկան)

Ոմանց համար Օձի տարիքը հոգու վերամշակման կարևորագույն շրջան է, իսկ մյուսների համար` պարզապես ճգնաժամ... Աշխատանք, ընտանիք, երեխաներ, գործեր... մեկ էլ հանկարծ գիտակցում ես, որ ողջ այս ստրկությունը, խորհրդավորությունը, կապանքները, ամեն ինչ ավելորդ է, միայն դու ես, որ կաս, միայնակ: Այս ամենն ուղեկցվում է էներգիայի հանկարծակի անկումներով, մոտեցող ծերության, անխուսափելի մահվան մասին մտքերով... Օձը «փակ» նշան է, պարփակվում է ներսում, իսկ ներսում մերկ, անպաշտպան հոգին է: Հայտնվում են թերարժեքության բարդույթներ, Օձը ջանում է հաստատել իր կարևորությունը սեռական քաջագործություններով:

 Տասներորդ կյանք` Վիշապ (55-70 տարեկան)

Ճգնաժամն անցավ, քավարանը, որ ստեղծել էր Օձը, անցյալում է: Այժմ մարդն անհատ է, նրան վերելք է տրված, իսկ դրա հետ նաև` երազկոտություն, բանաստեղծականություն, այլ աշխարհներ ճամփորդելու կարողություն: Արտաքինից սա շատ պատկառելի տարիք է, որը կարելի է անվանել «տնօրենի» տարիք: Այժմ կարելի է ղեկավարել, բարեգործություն անել: Բայց պետք չէ Վիշապի մեջ սուր միտք փնտրել: Այս տարիքի համար ասում են. «Ստեղծագործական ծաղկման շրջան»: Հենց Վիշապի տարիքում խորհրդավորությունը գտնում է իր հզոր մարմնավորումը: Վիշապը ներում է սիրով. չէ՞ որ Վիշապը սիրո աղբյուր է:

 Տասնմեկերորդ կյանք` Կատու կամ Նապաստակ (70-85 տարեկան)

Խաղարկային տարիք է` նման Այծին և Վարազին: Կատուն 12 նշաններից ամենասպորտայինն է: Նրա ազարտը, պայքարի մեջ նրա կիրքն անսահման են: Կատվի տարիքին հասած մարդուն ի՞նչն է խանգարում մահանալ և ի՞նչն է օգնում վերապրել: Հոգին: Կատուն հուշագրող է. նա հիշում է ողջ կյանքը, բոլոր մարդկանց, խոսքերը, գործերը, իրադարձությունները: Կատուն բաց, շփվող նշան է: Այս տարիքում միայնությունը լավագույն ժամանցը չէ: Այս բաց նշանի համար պարզապես անհրաժեշտ է համընդհանուր ուշադրություն ու հարգանք: Նրանց համար լավ ունկնդիրներ կարող են լինել նույնիսկ թոռնիկները:
Տասներկուերորդ կյանք` Վագր (մահ) Այժմ արդեն մահն անխուսափելի է: Շատ քչերին է հաջողվում Վագր դառնալ: Այն բարձրագույն կամքի նշանն է:
Ձին սովորում է` պատրաստվելով հասարակական կյանքին` առանց ծնողների օգնության: Շունը սովորում է գործել և մտածել առանց հասարակության օգնության` պատրաստվելով անհատական կյանքին: Իսկ ահա Վագրը սովորում է աշխատել առանց մարմնի, առանց ուղեղի օգնության: Վագրի տարիքում մարդն իր մեջ աշխատող հոգի է դաստիարակում:

Աղբյուրը՝ Kiss.am