Ինչպես խնամել թարթիչները

Թարթիչներն ունեն սնուցման և խնամքի կարիք նույնքան, որքան մազերը: Դրանց խնամքի մասին պետք է մտածել քնից առաջ` դիմահարդարանքը մաքրելուց հետո:

Թարթիչների աճը խթանելու համար օգտակար է ցանկացած վիտամինացված զանգված`չիչխանի, մասուրի յուղերը, հնդյուղը` A վիտամինի մի քանի կաթիլի կամ գազարի հյութի հետ միասին:

Փորձված բաղադրատոմսեից է հնդյուղի և ռոմի խառնուրդը` վերցված հավասար չափաբաժիններով:

Բարենպաստ ազդեցություն են ունենում նաև նուշի, խաղողի կորիզների, հնդյուղի, ցորենի ծիլերի, վարդի, կտավատի սերմի յուղերի խառնուրդները: Տնային պայմանններում կարելի է խառնուրդ պատրաստել ինչպես նշված բոլոր յուղերից, այնպես էլ դրանցից 2-3-ից` ըստ ընտրության: Յուղերը վերցվում են հավասար չափաբաժիններով: Եթե վարդի յուղը եթերային է, ապա խառնում ենք մի քանի կաթիլ:  

Նուշի յուղը խթանում է թարթիչների աճը: Վարդինը` դադնդաղեցնում ծերացման գործընթացը և չեզոքացնում կոպերի մաշկի գրգռվածությունը: Հնդյուղը նույնպես նպաստավոր ազդեցություն է ունենում թարթիչների աճի վրա, լավացնում է կառուցվածքը և խոչընդոտում դրանց թափվելը: Այդպիսի խառնուրդը խոնավացնում է, սնում թարթիչները և կոպերի մաշկը, նպաստում թարթիչների աճին և կանխում դրանց թափվելը: Հրաշալի կերպով մաքրում է աչքերի ներկը:

Թարթիչների աճի և դրանց թափվելը կանխարգելելու համար կարելի է քսել նաև դեղձի յուղ: Կռատուկի յուղը նույնպես նպաստավոր ազդեցություն ունի թարթիչների ամրացման համար: Հնդյուղը արագացնում է դրանց աճը և նպաստում վերականգնմանը:

Թարթիչների համար օգտակար է նաև չիչխանի, եղևնու կամ հնդյուղի խառնուրդը` գումարած մի քանի կաթիլ А վիտամին: Հնդյուղը փափկեցնում է մաշկը, նպաստում թարթիչների աճին:

Խառնուրդների օգտագործման կարգը. մաքրող յուղի ոչ մեծ քանակություն 5-10 րոպեով քսել կոպերին և թարթիչներին, որից հետո լվանալ ջրով: Յուղը կարելի է քսել թարթիչների ներկի համար նախատեղված վրձինով և կարևորը` հետևեք դրա մաքրությանը: