Life.panorama.am-ի զրուցակիցն է Սոս Սարսգյանի անվան համազգային թատրոնի դերասան Գագիկ Մադոյանը, ում հեռուստադիտողն առավել շատ ճանաչում է տարբեր հեռուստասերիալներից ու մանրապատումներից:
Գագիկ, նախ հետաքրքիր է, թե այս շրջանում ինչո՞վ եք զբաղված, քանի որ երկարժամանակ է` հեռուստադիտողը էկրաններին Ձեզ չի տեսնում:
- Այո, երկար ժամանակ է` հեռուստադիտողն ինձ էկրաններին չի տեսնում, բայց պարապուրդի մատնված չեմ. հիմա նկարահանվում եմ մի քանի ֆիլմերում: Բացի այս՝ բոլորովին վերջերս երեք ընկերներով՝ ես, Արթուր Սարգսյանն ու Ստեփան Ղամբարյանը, «ASG FILM PRODUCTION» կինոընկերությունն ենք հիմնել ու այժմ էլ նոր ֆիլմի նախապատրաստական աշխատանքներն ենք սկսել, որի ռեժիսորն, ի դեպ, ես եմ:
Ինչպես նշեցի՝ տարիներ առաջ Ձեզ կարելի էր տեսնել իրար փոխարինող գրեթե բոլորսերիալներում, հիմա այս առումով կարծես պասիվ եք: Ուզում եմ հասկանալ՝առաջարկներ են Ձեզ խորթ, թե դրանք բացակայում են:
- Դե առաջարկները շատ չէին, ու հիմնականում էլ առաջարկվող դերերը ինձ դուր չէին գալիս, սակայն այժմ մի առաջարկ ունեմ «Շանթ» հեռուստընկերությունից, որն արդեն ընդունել եմ, քանի որ դերը հետաքրքրել է: Ընդհանուր առմամբ, ես շատ հաճախ եմ ֆիլմերում նկարահանվում:
Թատրոնում կարծես թե միշտ եք գերակտիվ: Կպատմե՞ք այս շրջանի թատրոնայինծրագրերի մասին:
- Թատրոնն ինձ համար աշխատանք չէ, այլ ապրելակերպ: Իմ «Համզագային թատրոնում» արդեն 17 տարի է՝ խաղում եմ:
Գագիկ, քանի որ այն դերասաններից եք, ով երկար ճանապարհ է անցել, ուստի կարծումեմ՝ տեղին կլինի լսել Ձեր կարծիքը այսօրվա ոլորտի մասին, շատերը դժգոհում ենհայկական կինոմատոգրաֆիայից, դերասանական կազմից, հետաքրքիր է ՝ դուք ի՞նչկարծիք ունեք:
- Էն ժամանակ, երբ բրազիլական սերիալներ էին ցույց տալիս, ասում էին՝ ինչու մերը չենք նկարում, իսկ երբ մերը սկսեցին նկարել, ասեցին, թե վատն է, մի նկարեք: Հիմա անցել են կինոյին՝ ինչ նկարենք, սովետական ֆիլմե՞ր, որ դուր գա նրանց: Անհոգ եղեք, Հայաստանում կան այնպիսի ռեժիսորներ, որ հիմա ել նկարում են այդքան սիրված սովետական ֆիլմերի նման ֆիլմեր: Իսկ ես կարծում եմ, որ միշտ էլ պետք է նկարվեն թե թեթեւ ժանրի, թե կոմերցիոն եւ թե հեղինակային ֆիլմեր:
Ձեր թույլտվությամբ կցանկանայի խոսենք նաեւ Ձեր անձնական կյանքից, քանի որհեռուստադիտողը քիչ բան գիտի Ձեր մասին:
- Կարծում եմ՝ հեռուստադիտողի համար ավելի հետաքրքիր թեմաներ կան, քան իմ անձնական կյանքը: Ես ուղղակի երջանիկ եմ:
