Ինչպե՞ս են ապրում 21-րդ դարի արքայադուստրերը

Նրանք հեքիաթային հերոսուհիներ չեն, այլ ուղղակի սովորական ժամանակակից աղջիկներ են, ովքեր ապրում են, սիրահարվում, ծիծաղում: Նրանք տարբերվում են ուրիշներից միայն իրենց ծագմամբ և իհարկե պարահանդեսների հրավերներով:

1. Արքայադուստր Ալեքսանդրա, Լյուքսեմբուրգ

24-ամյա գեղեցկուհին Լյուքսեմբուրգի դուքս Անրիի միակ դուստրն է, որ տիրապետում է 5 լեզուների և նույնիսկ մասնակցել է Ուիմբլդոնի մրցաշարին: Արքայադուստրը համալսարանում ուսումնասիրում է գրականություն, պատմություն և փիլիսոփայություն: Ալեքսանդրան եվրոպաական արքայադստեր ամենաերկար անունն ունի՝ Ալեքսանդրա Ժոզեֆինա Թերեզա Շարլոտտա Մարիա Ուիլհելմինա: Չնայած իր թագավորական անվան՝ Ամեքսանդրան ընդհամենը 5-րդ թագաժառանգն է:

2. Լեդի Ամելիա Ուինդզոր, Մեծ Բրիտանիա

   Արքայադուստր Ամելին ընդհամենը 20 տարեկան է, և նրան արդեն համարում են Անգլիայի առաջին գեղեցկուհին: Նա Էլիզաբեթ 2-րդի թոռնուհին է և Սեյնթ Էնդրյուսի կոմս Ջորջ Ուինդզորի կրտսեր դուստրն է: Ամելիան ցանկանում է լրագրող դառնալ և շատ ժամանակ է տրամադրում ուսմանը: Այնուամենայնիվ դա չի խանգարում, որ լեդի Ամելիան մասնակցի պարահանդեսների և այլ միջոցառումների: Ամելիայի իրական կիրքը նորաձևությունն է: Նա նույնիսկ նախապատրաստվել է Chanel-ում:

   

3. Արքայադուստր Մարիա-Լուիզա, Բելգիա

   Արքայադուստր Աստրիդի և դուքս Լորենցայի դուստրը 21 տարեկան է: Գեղեցկուհին հիմա սովորում է Մեծ Բրիտանիայում: Նա 9-րդ գահաժառանգն է, սակայն նրա գեղեցիկ արտաքին տեսքը և ծնողների կարողությունը նրան դարձնում են աշխարհի ամենացանկալի հարսնացուներից մեկը:

   

4. Արքայադուստր Իման, Հորդանան

   Արքայադուստր Իման բինտ ալ-Աբդուլլան Հորդանանի թագավոր Աբդալլ 2-րդի ավագ դուստրն է: Նա 20 տարեկան է և հիմա սովորում է Ուաշինգթոնի Ջորջթաունի համալսարանում: Խիստ դաստիարակության պատճառով աղջիկը հազվադեպ է դուրս գալիս, սակայն նա երբեմն ուղեկցում է իր մայրիկին տարբեր բարեգործական միջոցառումների ժամանակ:

   

5. Արքայադուստր Շարլոտտա, Մոնակո

   29-ամյա Շարլոտտա Կազիրալին հանրահայտ դերասանուհի Գրեյս Քելլիի թոռնուհին է: Հենց Գրեյս Քելլիից էլ Շարլոտան ժառանգել է իր հրաշալի արտաքինը: Արքայադուստրն ավարտել է Սորբոնի համալսարանի ժուրնալիստիկայի ֆակուլտետը և հիմա աշխատում է հայտնի Above լոնդոնյան ամսագրում: Նա որդի ունի, սակայն հիմա գեղեցկուհու սիրտն ազատ է: Հիմա նա Մոնակոյի գահի 4-րդ ժառանգորդուհին է:

   

6. Արքայադուստր Մակո, Ճապոնիա

   Արքայադուստր Մակո Ակիսինոն Ճապոնիայի կայսր Ակիհիտոյի ավագ դուստրն է: Մակոն 24 տարեկան է և արդեն հասցրել է ավարտել Տոկիոյի միջազգային քրիստոնեական համալասրանը, ինչպես նաև սովորել է Ավստրիայում:

   

7. Արքայադուստր Մարիա-Օլիմպիա, Հունաստան և Դանիա

Պաշտոնապես Հունաստանում միապետությունը չեղյալ է հայտարարվել, սակայն վերջին թագավորի թոռների կոչումները դեռ պահպանվել են: Թագավորական ընտանիքը հիմա ապրում է Անգլիայում, որտեղ Մարիա-Օլիմպիան ակտիվ կյանք է վարում: 20-ամյա գեղեցկուհին գրաֆիկական դիզայն և արվեստի պատմություն է ուսումնասիրում Նյու Յորքում, ինչպես նաև աշխատում է Dior-ի նորաձևության տանը: Այս արքայադուստրը հաճախ է թարմացնում իր Ինսթագրամի էջը, որն ունի 80.000 հետևորդ:

8. Ինֆանտա Լեոնոր, Իսպանիա

Այս փոքրիկ արքայադստեր ծնողները Իսպանիայի թագավոր Ֆիլիպ 6-րդը և թագուհի Լետիցիան են: Ինֆանտա Լեոնորը 12 տարեկան է և իր բոլոր հասակակիցների նման սովորում է, և,իհարկե, որպես թագաժառանգ մասնակցում է տարբեր պաշտոնական միջոցառումների: Արդեն իսկ ակնհայտ է, որ այս աղջնակը ապագայում գերելու է միլիոնավոր տղամարդկանց սրտերը:

Նյութը հրապարակման պատրաստեց Past.am-ը: