Գեղեցկության գաղտնիքներ Օդրի Հեփբերնի կողմից

Բոլոր ժամանակների ամենահմայիչ և տաղանդավոր դերասանուհիներից մեկը՝ Օդրի Հեփբերնը, իսկական նորաձևության թագուհի էր: Մինչև այսօր նրա հրաշալի կանացի կերպարը գրավում է միլիոնավոր մարդկանց: Դժվար կլինի հավատալ, բայց դերասանուհին իր կերպարը համարում էր սովորական:

Այսօր մենք ձեզ կներկայացնենք այդ հեքիաթային գեղեցկուհու գեղեցկության գաղտնիքները:

1. Շատ ջուր խմեք

Հեփբերնի բոլոր ընկերները և կոլեգաներն ասում են, որ Հեփբերնը միշտ խորհուրդ էր տալիս շատ ջուր խմել, որպեսզի լավ կազմված ունենալ: Երևի թե Օդրիի գեղեցկության գլխավոր գաղտնիքը սա էր՝ շատ ջուր խմել, և ուտել մրգեր և բանջարեղեն:

2. Հաճախակի մաքրեք ձեր օրգանիզմը

Ամեն ամիսը մեկ Օդրին մաքրում էր օրգանիզմը՝ մի ամբողջ օրը միայն միրգ, բանջարեղեն, կաթնամթերք և ջուր օգտագործելով: Օրգանիզմի նման մաքրումը օգնում էր դերասանուհուն վերականգնել իր բիոռիթմը հոգնեցուցիչ ճանապարհորդություններից:

3. Միշտ կարտոֆիլ օգտագործեք
   Քանի որ դերասանուհին շոտլանդական ծագում ուներ, նա կարտոֆիլը համարում էր իր ամեն օրվա անբաժանելի մասը:

4. Հաճախ դուրս եկեք մաքուր օդ շնչելու

Երբ Օդրիին հարցնում էին, թե որն է իմ ամենօրյա գեղեցկության գաղտնիքը, նա պատասխանել էր. «Քայլելը: Ես շատ եմ քայլում մաքուր օդում, թույլ եմ տալիս, որ օրգանիզմս շատ թթվածին կլանի: Դա այն ամենն է, որ ինձ պետք է:»

5. Գեղեցիկ կեցվածք ունեցեք
   Հեփբերնը իր կարիերան սկսել է բալետով: Իսկ բալետի պարուհին պետք է պարապի ամեն օր թե՛ բեմում և թե՛ բեմից դուրս: Հենց այդ պատճառով պարը Օդրիի համար դարձավ երկրորդ բնություն և նա միշտ խորհուրդ էր տալիս ձիգ կեցվածք ունենալ և մեջքը միշտ ուղիղ պահել:

6. Բնական դիմահարդարում օգտագործեք
   Իր տեսքի համար Օդրին նախընտրում էր մինիմալիզմը և դասականությունը:

7. Վայելի՛ր ամեն օրը
   Օդրին շատ լավատեսական վերաբերմունք ուներ կյանքի հանդեպ և երբեմն նրան նմանեցնում էին միամիտ, փոքրիկ աղջկա: Նույնիսկ ինչ-որ նոր բաղադրատոմս գտնելը կամ կախազարդ գնելը նրան շատ էր երջանկացնում: Նա իսկապես գիտեր, թե ինչպես իր օրն ավելի պայծառ դարձնի:
   Նույնիսկ իր կյանքի վերջին օրերին դերասանուհին ասում էր իր որդուն. «Երբ ես ապաքինվեմ, մենք Ավստրալիա կգնանք: Այնտեղ շատ գեղեցիկ է:»

   Նյութը հրապարակման պատրաստեց Past.am-ը: