Աշխարհի առավել շքեղ հարսանիքները. հայացք ներսից՝ լուսանկարներով

Ավստրալիայում հարսանյաց արարողությունը միջինն արժե 65.000 դոլար, իսկ առավել ճոխ արարողությունների դեպքում դրանք անցնում են մի քանի միլիոն դոլարի սահմանը, գրում է Daily Mail-ը։

Wedded Wonderland հրատարակությունը պատմում է ամենաճոխ հարսանիքների մասին, որոնց մասնակցելու բախտ է վիճակվել հարսանեկան արարողությունների կազմակերպիչ և կայքի խմբագիր Վենդի Էլ Խուրին։

Ճոխ հարսանիքներում միայն ծաղիկներով և բույսերով դեկորացիաներն արժեն 1 մլն դոլար։

Շատ անգամ հարսնացուն հինգ տարբեր դիզայներ է վարձում, որպեսզի նրանք հատուկ իր համար կարեն 5 տարբեր տեսակի զգեստ։

Հարուստ հարսնացուները մրցում են միմյանց հետ, թե ում հարսանիքը կճանաչվի ամենաշքեղն ու գեղեցիկը։ 

Նրանք վարձում են մի շարք մասնագետների՝ ֆլորիստների, դիզայներների, վարսահարդարների և դիմահարդարների, նույնիսկ պահանջում են, որ իրենց ամուսնական մատանիները բերի վարժեցրած կապիկը կամ փղի ձագը։

Վենդին պատմել է, որ Նիգերիայում հարսնացուն լիբանանցի հայտնի դիզայներ Էլի Սաաբի շուրջ 5 հարսանյաց զգեստ է գնել՝ իր համար ամենահամապատասխանն ընտրելու համար։

Շատերը մի ամբողջ դղյակ կամ պալատ են վարձում հարսանեկան արարողությունն այնտեղ անցկացնելու նպատակով։ 

Հարսանեկան տորթերը մի քանի տասնյակ հազար դոլար արժեն՝ կախված դրանց մեծությունից և էկզոտիկ մրգերից պատրաստված միջուկից։ 

Վենդին հանդիպել և զրուցել է հայտնի ֆլորիստ Քերեն Թրանի հետ, ով վիետնամական թագավորական հարսանիքի համար ձևավորումներ է իրականացրել, որտեղ միայն ծաղիկների գինը եղել է 1 մլն դոլար։

Բեյրութոււմ Վեդին ներկա է եղել 1.000 հյուրեր ընդունած հարսանիքի, որտեղ հարսնացուի սիրելի ծաղիկները բերվել էին հատուկ Նիդեռլանդներից։

Շատ հարսանիքների ժամանակ զույգերը գումար չեն խնայել լուսադիոդային գունավոր լամպերով և էկրաններով ամբողջ սրահը պատելու համար։

Նյութի աղբյուրը` Tert.am

 

X