Պուտինի դուստրը՝ Կատերինա Տիխոնովա (լուսանկարներ, տեսանյութ)

Ինչպես տեղեկացնում է Past.am-ը, Kashin.guru կայքը հետազոտություն է արել, որի արդյունքները հնչում են այսպես՝ հայտնաբերվել է Պուտինի դուստրը: Սկզբունքորեն, նա չէր էլ կորել՝ բոլորը գիտեն, որ Պուտինն ունի երկու դուստր՝ Կատերինա ու Մարիա: Բայց ահա նրանց ճակատագրի մասին քիչ բան է հայտնի:

Ըստ Օլեգ Կաշինի ու նրա լրագրողների՝ ոմն Կատերինա Տիխոնովան՝ «Ազգային մտավոր զարգացում» հիմնադրամի ղեկավարը, հենց Պուտինի դուստրն է՝ Կատերինան, ով ապրում է այլ անունով:

Նշվում է, որ Տիխոնովան Պոպովայի ընկերակցությամբ ավելի հաճախ է հայտնվում հանրության մեջ: Օրինակ՝ 2015-ին Տիխոնովան Կիրիլ Շամալովի ուղեկցությամբ («Սիբուրայի» կառավարման նախագահի տեղակալ, «Սիբուրայի» բաժնետոմսերի 21,3%-անոց փաթեթի սեփականատեր ու Պուտինի սանկտպետերբուրգցի մտերիմի՝ Նիկոլայ Շամալովի որդին) այցելել էր շվեյցարական Դավոս՝ «ռուսական նստաշրջանին»:

«Պարզապես հետաքրքիր էր լսել խելացի մարդկանց՝ քաղաքական գործիչներից մինչև նոբելյան դափնեկիրներ»,- RBK-ի հետ զրույցում մեկնաբանել էր Պոպովան: «Ինոպրակտիկան» մերժել է հարցազրույց կազմակերպել Տիխոնովայի հետ:

Չգիտեմ՝ արդյոք դա նկատի ունեին РБК-ի տեքստի հեղինակները, սակայն ամեն ինչ կարդացվում է որպես մեծ ակնարկ՝ անանուն ու առանց կենսագրության կինը ստանում 1,7 մլրդ դոլար միայն այն հիմնավորմամբ, որ «տարված է այդ գաղափարով»: Ինչո՞ւ է Կատերինան Պուտինի դուստրը:

Վստահ եմ՝ «Եկատերինա Տիխոնովա» անուն-ազգանունը աղջիկը վերցրել է ի պատիվ իր տատիկի: Պեսկովի ձևակերպումը, թե ինքը տեղյակ չէ, թե ով է Եկատերինա Տիխոնովան, հնչում է որպես ապացույց: Նա չժխտեց Պուտինի դուստր լինելու փաստը: Կատերինա Տիխոնովան ակրոբատիկ ռոքնռոլի ոլորտից է: Կան բազմաթիվ տեսանյութեր, որտեղ նա պարում է Իվան Կլիմովի հետ:

5 տարի առաջ ես լսեցի, որ Կատերինա Պուտինան ամուսնացել է իր պարընկերոջ հետ, սակայն դա, ըստ երևույթին, ճիշտ չէ:

Ահա նա (երկրորդը աջից) ռոքնռոլային համադաշնության կայքի լուսանկարում:

Կատերինայի լուսանկարների մեծ մասի հեղինակը Պավել Դուդիկն է: